МУИС-ийн Захирлын А/126 тоот тушаалаар батлагдсан “МУИС-ийн нэрэмжит тэтгэлэг”-ийн журмын дагуу / https://sisi.num.edu.mn/files/merged_document_3.pdf / МУИС-ийн нэрэмжит тэтгэлэгт нэрээ дэвшүүлэх, өрсөлдөх суралцагчдын материалыг хүлээн авч байна. Тэтгэлэгт мэргэжлийн тэнхим, бүрэлдэхүүн сургуулийн сургалтын алба нэр дэвшүүлэх ба оюутан өөрийгөө дэвшүүлэн өрсөлдөх боломжтой.
Тэтгэлэгийн зорилго: МУИС-ийн нэрэмжит тэтгэлэг нь тус их сургуульд суралцаж буй бакалаврын түвшний суралцагчдын сурч боловсрох, өөрийгөө хөгжүүлэхэд дэмжлэг үзүүлэх, амжилттай суралцаж буй шилдэг оюутныг урамшуулах, зарим мэргэжлээр элсэгчдийг дэмжих зорилготой.
Дараах болзлын аль нэгийг хангасан суралцагч МУИС-ийн нэрэмжит тэтгэлэгт нэрээ дэвшүүлэх боломжтой. Үүнд:
- Олон улсын олимпиадад шагналт байр эзэлж медаль хүртсэн оюутан,
- Суралцаж буй чиглэлээрээ их дээд сургуулиудын оюутны дунд зохион байгуулагддаг улсын чанартай мэргэжлийн олимпиадад эхний 3 байр эзэлсэн оюутан,
- Улсын болон олон улсын чанартай урлаг, спортын наадам, уралдаан тэмцээнд МУИС-ийг төлөөлөн оролцож эхний 3 байр эзэлсэн оюутан,
- Гурваас доошгүй улирал дараалан 3.2-оос доошгүй голч үнэлгээтэй суралцсан оюутан (байгалийн ухаан, инженерчлэлийн хөтөлбөрөөр суралцаж буй оюутны хувьд сурлагын голч дүн 3.0-аас доошгүй байх)
Тэтгэлэгт хамрагдах хүсэлт гаргаж буй суралцагч дараах бичиг баримтыг бүрдүүлнэ. Үүнд:
- Суралцагчийн талаархи мэдээллийг агуулсан тэтгэлгийн анкет / /
- Иргэний үнэмлэхийн хуулбар
- Сурлагын дүнгийн дэлгэрэнгүй тодорхойлолт
- Суралцагчийн хувийн амжилтыг илэрхийлэх баримт бичиг, түүний хуулбар
- Тэнхим, бүрэлдэхүүн сургууль, профессор багшийн тодорхойлолт
- Эссэ бичлэг /монгол хэлээр/. Эссэг дараах сэдвүүдээс сонгож бичих бөгөөд 300-аас доошгүй үгтэй, бодит байдалд тулгуурласан байх:
“МУИС-ийн Оюутны хөгжил, төлөвшлийг миний нүдээр”
“МУИС-ийн Оюутан-Монголын ирээдүй”
“МУИС-ийн Оюутны хөгжил дэвшилд миний оруулах хувь нэмэр”
Тэтгэлэг гардуулах хугацаа: Хичээлийн шинэ жилийн нээлтэн дээр шалгарсан оюутнуудад тэтгэлэгийг ёслол төгөлдөр гардуулна.
Материал хүлээн авах хугацаа: 2016 оны 6 дугаар сарын 27-ны 11.00 цаг хүртэл
Материал хүлээн авах газар: МУИС хичээлийн 1-р байр, 219 тоот Оюутны алба /Б.Энхжаргал/-д хүргүүлнэ. Хугацаа хоцорсон материал хүлээн авахгүй болохыг анхаарна уу.
Лавлах утасны дугаар: 77307730-1143
Та бүхэнд амжилт хүсье
ОЮУТНЫ АЛБА
