2016.09.21-ний Захиргааны зөвлөлийн ээлжит хуралдааны шийдвэр
Хуралд захирал Р.Бат-Эрдэнэ, дэд захирал Б.Болдгив, Г.Баярмагнай, О.Мөнхбат, Ч.Нарантуяа, СНА-ны дарга Ч.Ундрам, ЗХШҮА-ны дарга В.Батцэнгэл, ТДС-ийн захирал Б.Отгонтөгс, МТА-ны дарга А.Баатарбилэг, бүрэлдэхүүн сургуулийн захирлууд Б.Баяртогтох, Н.Баатарбилэг, Ж.Эрдэнэбулган нар оролцлоо.Ц.Болормаа томилолтоор явсан. Хурал Хичээлийн 1 дүгээр байрны 208 тоот хурлын өрөөнд өглөө 09:30 цагт эхэлж 12:00 цагт дуусав.
ХЭЛЭЛЦЭХ АСУУДАЛ:
- Сургалтын инженерүүдийн асуудал
- 2016-2017 оны хичээлийн жилд шинээр багш авах санал танилцуулах
- Хамтын ажиллагааны санамж бичиг байгуулах тухай /Дэд захирал Б.Болдгив/
- Бусад асуудал, мэдээлэл
ШИЙДВЭР:
- Сургалтын инженерүүдийн асуудлын хувьд Бүрэлдэхүүн сургуулиудаас ирүүлсэн саналын дагуу лаборантын орон тоонд шилжүүлж, 2016 оны 10 дугаарын сарын 01-нээс эхлэн лаборантаар ажиллуулахаар, Багшийн орон тоог нээлттэй зарлаж, шалгаруулалтад оруулан, тэнцсэн хүмүүсийг 2017 оны 01 дүгээр сарын 01-ний өдрөөс эхлэн багшаар ажиллуулах, он дуустал одоогийн статусаар нь ажиллуулахаар тус тус шийдвэрлэв.
- Израйлын Йерусалемын Хибрү их (The Hebrew University of Jerusalem, Israel) сургуультай байгуулсан хамтын ажиллагааны гэрээг сунгах, шинээр ХБНГУ-ын Кемнитцийн Технологийн Их (Technology University Chemnitz) сургууль, АНУ-ын Дрексэлийн их сургууль (Drexel University), АНУ-ын Нью Жерсигийн Ратгерс (Rutgers University) их сургуультай тус тус хамтын ажиллагааны санамж бичиг байгуулах санал дэмжигдлээ.
- Дэлхийн багш нарын өдөр, Монголын багш нарын баярын өдрийг 2016 оны 10 дугаар сарын 07-ны өдөр тэмдэглэхээр тогтлоо.
ЗХШҮА
