2016.09.27-ны Захиргааны зөвлөлийн ээлжит хуралдааны шийдвэр
Хуралд захирал Р.Бат-Эрдэнэ, дэд захирал Г.Баярмагнай, О.Мөнхбат, Ч.Нарантуяа, СНА-ны дарга Ч.Ундрам, ТДС-ийн захирал Б.Отгонтөгс, МТА-ны дарга А.Баатарбилэг, бүрэлдэхүүн сургуулийн захирлууд Б.Баяртогтох, Ж.Эрдэнэбулган, Ц.Болормаа, С.Баттулга нар оролцлоо. ЗХШҮА-ны дарга В.Батцэнгэл, дэд захирал Б.Болдгив чөлөөтэй, ХШУИС-ийн захирал Н.Баатарбилэг томилолттой байлаа.
Хурал Хичээлийн 1 дүгээр байрны 208 тоот хурлын өрөөнд өглөө 10:00 цагт эхэлж 11:30 цагт дуусав.
ХЭЛЭЛЦЭХ АСУУДАЛ:
- Зарим гадаадын их, дээд сургуультай байгуулсан гэрээг шинэчлэх, шинээр хамтын ажиллагааны санамж бичиг байгуулах тухай /ГХХАХ-ийн дарга Ш.Мэндбаяр/
- Австралийн үндэсний их сургуультай байгуулсан хамтын ажиллагааны санамж бичгийн хугацааг сунгах
- Германы Хумболтын их сургуультай байгуулсан хамтын ажиллагааны санамж бичгийн хугацааг сунгах
- Халимагийн Хүмүүнлэгийн ухааны судалгааны хүрээлэнтэй хамтын ажиллагааны санамж бичиг байгуулах
- Солонгосын стандарчлалын байгууллагатай хамтын ажиллагааны санамж бичиг байгуулах
- ОХУ-ын Эдийн засгийн дээд сургуультай хамтын ажиллагааны санамж бичиг байгуулах
- Францын их сургуультай байгуулсан хамтын ажиллагааны гэрээг сунгах /Б.Отгонтөгс/
- МУИС-ийн Докторын сургалтад суралцаж буй МУИС-ийн багшид тэтгэлэг олгох сонгон шалгаруулалтын ажлын хэсгийн дүгнэлт танилцуулах /Дэд захирал О.Мөнхбат/
- Бусад асуудал, мэдээлэл
ШИЙДВЭР:
- Австралийн Үндэсний их сургуультай болон ХБНГУ-ын Хумболтын их сургуультай байгуулсан хамтын ажиллагааны санамж бичгийн хугацааг сунгахаар, Солонгосын стандарчлалын байгууллага болон ОХУ-ын Эдийн засгийн дээд сургуультай тус тус хамтын ажиллагааны санамж бичиг байгуулахаар, Халимагийн Хүмүүнлэгийн ухааны судалгааны хүрээлэнтэй хамтын ажиллагааны санамж бичиг байгуулах тухайд ШУС /Б.Баяртогтох/ танилцаад саналаа ирүүлэхээр тус тус шийдвэрлэв.
- Францын Нормандын Рүаны их сургуультай байгуулсан гэрээг сунгах тухайд уг сургуулийн докторын сургалтын процессийг судлан, хэрэв дүйцэж байвал сунгахаар боллоо.
- МУИС-ийн Докторын сургалтад суралцаж буй МУИС-ийн багшид тэтгэлэг олгох сонгон шалгаруулалтын ажлын хэсгийн дүгнэлт, саналын дагуу 11 багшид тэтгэлэг олгохоор боллоо.
ЗХШҮА
