2016 оны 10 дугаар сарын 04-ны өдрийн Захиргааны зөвлөлийн ээлжит хуралдааны шийдвэр
Хуралд захирал Р.Бат-Эрдэнэ, дэд захирал Г.Баярмагнай, Ч.Нарантуяа, ТДС-ийн захирал Б.Отгонтөгс, ЗХШҮА-ны дарга В.Батцэнгэл, МТА-ны дарга А.Баатарбилэг, бүрэлдэхүүн сургуулийн захирлууд Б.Баяртогтох, Ж.Эрдэнэбулган, Ц.Болормаа, С.Баттулга, Н.Баатарбилэг нар оролцлоо. Дэд захирал Б.Болдгив, О.Мөнхбат нар чөлөөтэй, СНА-ны дарга Ч.Ундрам өвчтэй байлаа.
Хурал Хичээлийн 1 дүгээр байрны 208 тоот хурлын өрөөнд өглөө 10:00 цагт эхэлж 12:57 цагт дуусав.
ХЭЛЭЛЦСЭН АСУУДАЛ:
- БНХАУ-ын хөнгөлөлттэй зээлийн төслийн талаар танилцуулга /Дэд захирал Ч.Нарантуяа/
- Багш нарын баярын шагнал болон МУИС-ийн шилдэг багш шалгаруулах ажлын хэсгийн танилцуулга /ЗХШҮА-ны дарга В.Батцэнгэл/
- Багшийн хөгжлийн төвийн үйл ажиллагааны төлөвлөгөө /БХТ-ийн захирал С.Батцэцэг/
- Хамтын ажиллагааны санамж бичгийн төсөл танилцуулах /ГХХАХ-ийн дарга Ш.Мэндбаяр/
- АНУ-ын Farmingdale state college
- Бүгд Найрамдах Казахстан улсын Ал-Фарабигийн нэрэмжит Казах үндэсний их сургууль
- ОХУ-ын Майкопын технологийн их сургууль
ШИЙДВЭР:
- БНХАУ-ын хөнгөлөлттэй зээлийн төслийн талаар танилцуулгыг сонсов.
- МУИС-ийн Шилдэг багшаар Нийгэм, Хүмүүнлэгийн ухааны салбарын шилдэг залуу багшаар ШУС-ийн Түүхийн тэнхмийн ахлах багш Э.Жигмэддорж, шилдэг судлаач багшаар ШУС-ийн Түүхийн тэнхмийн багш, профессор Д.Баярсайхан, шилдэг сурган хүмүүжүүлэгч багшаар Бизнесийн сургуулийн багш, профессор Ц.Цэцэгмаа, Байгалийн ухааны салбарын шилдэг залуу багшаар ХШУИС-ийн багш ХБОСХИТэнхмийн ахлах багш М.Одсүрэн, шилдэг судлаач багшаар мөн ХШУИС-ийн ХБОСХИТэнхмийн ахлах багш С.Одмаа, шилдэг сурган хүмүүжүүлэгч багшаар ШУС-ийн Химийн тэнхмийн багш, дэд профессор О.Болормаа нар тус тус шалгарсан байна.
- “Багшийн хөгжлийн төвийн үйл ажиллагааны төлөвлөгөө”-г дараагийн хурлаар хэлэлцэхээр хойшлуулав.
- АНУ-ын Farmingdale state college-тэй байгуулах хамтын ажиллагааны гэрээг Бизнесийн сургуулийн захирал Ц.Болормаа судлан, танилцаж саналаа ирүүлэхээр, Бүгд Найрамдах Казахстан улсын Ал-Фарабигийн нэрэмжит Казах үндэсний их сургуультай хамтын ажиллагааны гэрээ байгуулахаар, ОХУ-ын Майкопын технологийн их сургуулийн талаар дахин судлахаар тус тус шийдвэрлэв.
ЗХШҮА
