МУИС-ийн Боловсрол, сэтгэл судлалын салбарыг төгсөгчдийн холбоо 2016 оны 5-р сарын 6-ны өдөр байгуулагдаж, удирдах зөвлөлийн гишүүдийн анхдугаар хурал 2016 оны 10-р сарын 26нд МУИС дээр хуралдлаа. 1992 онд сэтгэл судлал мэргэжлээр элсэлт авч эхэлснээс хойш бакалаврын түвшинд 442 сэтгэл судлаач, 116 боловсрол, сэтгэл судлалын магистр, 33 боловсрол, сэтгэл судлалын доктор төрөн гарчээ.
Холбооны удирдах зөвлөлд тус салбарын бүх төгсөгчдийн төлөөлөл байхаас анхны хурал 75 хувийн ирцтэйгээр хуралдав. Боловсрол, сэтгэл судлалын салбарыг төгсөгчдийн бүх гишүүдийн анхдугаар уулзалт 2016 оны 11-р сарын 4-ний өдөр зохион байгуулагдана.
