Хөтөлбөрийн Ерөнхий Хорооны ээлжит хурал 2016 оны 11 дүгээр сарын 24-ний Пүрэв гарагт болов.
Хуралд МУИС-ийн ХЕХ-ны дарга Г.Баярмагнай, ХЕХ-ны гишүүн, ШУС-ийн захирал Б.Баяртогтох, ШУС-ын дэд захирал Ц.Амартайван, ХШУИС-ийн СА-ны эрхлэгч Д.Бямбажав, БС-ийн профессор Н.Батнасан, ОУХНУС-ийн захирал С.Баттулга, профессор Н.Алтанцэцэг, ШУС-ийн профессор Д.Баярсайхан, ШУС-ийн профессор Б.Болд-Эрдэнэ, дэд профессор Н.Ууганбаатар, Д.Рэнцэнмядаг, Б.Батжаргал, ОС-ийн ахлах багш Н.Амаржаргал нар оролцлоо.
Хурлаар:
- “Олон улсын эдийн засгийн харилцаа” магистрын хөтөлбөр /ОУХНУС, ШУС/
- “Жендер судлал” магистрын хөтөлбөр /ШУС,Нийгмийн ухааны салбар/
- “Цацрагийн биологи” мэргэжлийн чиглэлээр трак үүсгэх /ШУС, Физик/ зэрэг асуудал хэлэлцэж дараах шийдвэрийг гаргалаа.
Хурлын шийдвэр:
- “Олон улсын эдийн засгийн харилцаа” хөтөлбөрийг, салбар дундын хөтөлбөр байх нь зүйтэй, сургалтын төлөвлөгөөг гишүүдийн саналыг тусган шинэчлэн сайжруулж, ХЕХ-ны нэр бүхий гишүүдээс бүрдсэн ажлын хэсэгт хянуулах, оролцогч талуудын төлөөлөл бүхий хамтарсан хөтөлбөрийн дэд хороогоор хэлэлцүүлэх нөхцөлтэйгээр батлав.
- “Жендер судлал” мэргэжлийн чиглэл нь магистрын төвшинд дагнасан хөтөлбөр байх шаардлагагүй гэж үзээд уг сургалтын хөтөлбөрийг ХЕХ-ны гишүүд дэмжсэнгүй.
- “Цацрагийн биологи” мэргэжлийн чиглэлийн сургалтын төлөвлөгөөг дахин цэгцлэн, бусад хөтөлбөрт тавигддаг нийтлэг шаардлагын дагуу засан сайжруулах нөхцөлтэйгээр “Физик”-ийн магистр, докторын сургалтын хөтөлбөрт трак үүсгэхийг гишүүд санал нэгтэй дэмжив.
