Захиргааны зөвлөлийн ээлжит хурал боллоо

2017 оны 02 дугаар сарын 07-ны өдрийн Захиргааны зөвлөлийн хурал

ХЭЛЭЛЦСЭН АСУУДАЛ:

1. Сиси ситемийн талаар мэдээлэл өгөх /МТА-ны дарга А.Баатарбилэг/
2. 2017 оны төсвийн талаарх мэдээлэл /дэд захирал  Ч.Нарантуяа/
3. Бусад асуудал /мэдээлэл/

ХУРЛЫН ШИЙДВЭР

1 дүгээр асуудлын хувьд дараах байдлаар зохицуулалт хийхээр шийдвэр гаргалаа. Үүнд,

Мэдээллийн технологийн албанд: /А.Баатарбилэгт/

1. Зарим мэдээллийг МУИС дотроо дотоод сүлжээгээрээ дамжуулдаг болох шийдлийг гарган танилцуулах
2. Wifi zone орчин бүрдүүлэх байршлын судалгаа гарган, тухайн газруудад wifi zone /утасгүй сүлжээний орчин/ гэсэн тэмдэглэгээ хийх
3. Зарим лекцийн танхимын wifi zone-ийг хаах, wifi zone биш гэсэн тэмдэглэгээ хийх
4. Фэйсбүүк, сошиал медиагийн урсгалыг багасах, зарим нэг дүрс, дуу үзэх эрхийг хязгаарлах замаар ачааллыг бууруулах /оюутнуудад танилцуулах/
5. Оюутнуудад зориулан сүлжээ ашиглах талаар үйлчилгээ үзүүлдэг цэг гаргаж, IT-ийн мэргэжлийн ангийн оюутнуудыг ажиллуулах.
6. Сургалтын албадын болон SiSi программтай харьцаж байгаа бүх хүмүүсийг /мэргэжилтнүүдийг/ сургалтанд хамруулж, мэргэшлийн гэрчилгээ олгох,
7. МУИС-ийн Веб хариуцаж байгаа мэргэжилтэн МУИС-ийн веб сайтад шинээр оруулах шаардлагатай  мэдээлэл болон дизайныг хэрхэн өөрчлөх талаар санал авах, мэдээллийн шинэчлэлийг түргэн шуурхай оруулах тал дээр анхаарах
8. МТА-ны дотоод үйл ажиллагааны журам боловсруулах
9. Энэ хурал дээр танилцуулсан SiSi систем болон IT-ийн үйлчилгээний талаарх мэдээллээ оюутнуудад ойлгомжтой, мэргэжлийн бус хүн ойлгох байдлаар хэл найруулгын хувьд бэлтгэн МУИС-ийн веб сайтад байршуулах, оюутнуудад танилцуулах

Сургалтын нэгдсэн албанд:  /Ч.Ундрамд/

1. Сургалтын албадын SiSi программтай /IT-тай/ ажиллаж байгаа бүх мэргэжилтнүүдийг сургалтанд хамруулах.
2. Сургалтын албаны мэргэжилтнүүдийн Ажлын байрны тодорхойлолтонд мэдээллийн технологи болон SiSi програм дээр ажиллах чадвартай байх талаар тусгах.
3. Сургалтын албаны мэргэжилтнүүдэд шинэ хуучин хөтөлбөрүүдийн хичээлүүдийг хэрхэн дүйцүүлэх талаар Хөтөлбөрийн хороодоос зөвлөмж чиглэл өгөх
4. ТҮЦ машинд ямар нэмэлт мэдээлэл оруулах, үйлчилгээг сайжруулах талаар санал авах
5. ТҮЦ машиныг цэнэглэдэг үнэт цаас болон хорыг харьяалагдах сургуулийн сургалтын албадын дарга нарт хүлээлгэн өгөх
6. ТҮЦ машин ажиллуулах журманд өөрчлөлт оруулах
7. Мэдээллийн шинэчлэлийг түргэн шуурхай оруулах тал дээр анхаарах

Хангамж үйлчилгээний хэлтэст:  /Ш.Гончигсүрэнд/

1. Wifi орчинд утас, нөтбүүкээ цэнэглэх цахилгааны үүсгүүр, суух сандал, ширээтэй болгох
2. ТҮЦ машины дэргэд хяналтын камер байрлуулах
3. Харуулууд болон хичээлийн байрны зохион байгуулагч нарт ТҮЦ машины бүрэн бүтэн байдалд хяналт тавих үүрэг өгөх

Захиргаа хяналт, шинжилгээ, үнэлгээний албанд /В.Батцэнгэлд/

1. Сургалтын албаны мэргэжилтнүүдийн Ажлын байрны тодорхойлолтод мэдээллийн технологи болон SiSi програм дээр ажиллах чадвартай байх талаар тусгах
2. Мэдээллийн шинэчлэлийг түргэн шуурхай оруулах тал дээр анхаарах
3. Хэвлэлийн төлөөлөгчийн ажилд үнэлгээ хийх
4. Фэйсбүүкийн мэдээлэлд дүн шинжилгээ хийх хэрхэн яаж авч нэгтгэж, хариу тайлбар үзүүлэх талаар О.Мөнхбат захиралтай  хамтран  ажиллах
5. МУИС-ийн нэрийн өмнөөс албан ёсны мэдээллийг шуурхай өгдөг байх

Дэд захирал Ч.Нарантуяа, Хангамж үйлчилгээний хэлтсийн дарга Ш.Гончигсүрэн нарт:

1. Цаашид худалдан авалтын үйл ажиллагаанд оюутны төлөөллийг оролцуулдаг болох

2 дугаар асуудлын хувьд:

Дэд захирал Ч.Нарантуяа МУИС-ийн Удирдах зөвлөлийн хурлаар хэлэлцсэн асуудлуудын талаар мэдээлэл өгч хурлаас гарсан шийдвэрүүдийг  танилцууллаа. Үүнд,

1. Суурь төлбөртэй холбоотой Үндэсний аудитын газрын дүгнэлт, МУИС-ийн оюутны холбооны тавьсан шаардлагын талаар авч хэлэлцээд  уг асуудлыг судлах, холбогдох албадтай хэлэлцэн зөвшилцөх  9 хүний бүрэлдэхүүнтэй ажлын хэсэг байгуулах
2. МУИС-ийн 2017 оны 2 ба 3 дугаар сарын үйл ажиллагааны урсгал зардал болон эрдэм шинжилгээний төсөл хөтөлбөрийн зардлыг санхүүжүүлэх эрхийг захирал Р.Бат-Эрдэнэд олгох
3. Удирдах зөвлөлийн нарийн бичгийн даргаар Д.Заяабаатарыг томилох
4. МУИС-ийн 2016 оны үйл ажиллагааны тайланг батлах тухай тус тус Удирдах зөвлөлийн тогтоол гарчээ.

Удирдах зөвлөлөөс  байгуулсан ажлын хэсэг хуралдаад дараах шийдвэрийг гаргажээ. Үүнд,

1. Удирдах зөвлөл дэх төрийн төлөөллөөр уг асуудлыг шийдвэрлүүлэх
2. Суурь төлбөрийн зарцуулалтанд хяналт шалгалт хийх
3. Өнгөрсөн хугацаанд суурь төлбөрийг хэрхэн юунд зарцуулж байсан талаар тайланг жагсаалтаар гаргаж танилцуулах
4. Төсөвт заасан их болон урсгал засвар, тоног төхөөрөмж худалдан авах гэх мэт сургалтын орчинтой холбоотой үйл ажиллагааны талаарх бүх мэдээллийг жагсаалтаар гаргах
5. Засвар хийх, тоног төхөөрөмж худалдан авахдаа багш, оюутнууддаа танилцуулж хэлэлцүүлэн төсөв хийдэг болох
6. Суурь төлбөрийг 2017-2018 оны хичээлийн жилээс эхлэн авахыг зогсоох гэсэн шийдвэрүүдийг гаргалаа.

ЗХШҮА