Тус өдөрлөг 2017/03/11-ний өдөр 11:00-15:00 цагийн хооронд МУИС-ийн 1-р байрны Эрдмийн өргөөнд болж өнгөрлөө. Зохион байгуулагчаар МУИС-ийн Гадаад хэлний төвийн 1-р тэнхмийн багш нар ажиллалаа.
Өдөрлөгт гадаад хэлээр сургалт явуулдаг хэлний төвүүд болон сургалтын байгууллагууд урилгаар оролцож оюутан залууст академик англи хэлний ач холбогдол, TOEFL, IELTS-д хэрхэн бэлдэж гадаадад суралцах тэтгэлэгт хөтөлбөрүүдэд хамрагдах талаар мэдээлэл, зөвлөгөө өглөө. Энэхүү зохион байгуулсан ажилд дараах сургалтын төвүүд идэвхитэй оролцлоо. Үүнд:
- “Edu World” боловсролын төв
- Монгол Японы “Asahi” төв
- “Ногоон Жейд” боловсролын төв
- Боловсролын зөвлөгөө, мэдээллийн төв
- “Ace Edu world” сургалтын төв
Академик англи хэлний хичээлийн агуулга хөтөлбөрөөр зохион байгуулагч багш нар зөвлөгөө өгч, оюутнуудтай санал сэтгэгдлээ солилцлоо. Энэхүү өдөрлөгт МУИС-ийн оюутнууд сэтгэгдэл өндөр, өргөнөөр оролцсон явдалд зохион байгуулагч багш нар баяртай байна.
