МУИС-ийн оюутан-Монголын ирээдүй
МУИС-ийн захирал доктор Я.Төмөрбаатар, Оюутны хөгжил хамтын ажиллагаа эрхэлсэн дэд захирал О.Мөнхбат нар /2017.03.22/-ны өдөр МУИС-ийн Оюутны холбоо болоод клубуудын төлөөллийг хүлээн авч уулзаж санал хүсэлт, хамтран ажиллах талаар мэдээлэл солилцлоо.
Уулзалтад МУИСОХ, оюутан конгрессийн тэргүүн Б.Хосбаатар, нарийн бичгийн дарга А.Эрдэнэбаяр, Экологи клубын дарга Ш.Цэнд-Аюуш, “НАЙЗ НЬ НАЙЗЫГАА ДЭМЖЬЕ” клубын дарга Б.Оюун-Эрдэнэ, Бизнесийн сургуулийн оюутны нэгдэл клуб Г.Төгөлдөр нарын төлөөллүүд оролцов. МУИС-д бүртгэлтэй 43 клуб идэвхитэй үйл ажиллагаа явуулж МУИС-ийн оюутан, хүмүүнлэг нийгмийн төлөө, хувь хүний хөгжил, боловсролд чиглэсэн үйл ажиллагааг олон нийтэд нээлттэй, системтэйгээр зохион байгуулж, түүнийгээ хэрэгжүүлэх замаар нийгмийн хөгжилд өөрсдийн хувь нэмрээ оруулсаар байна.
