МУИС-ийн захирал доктор Я.Төмөрбаатар өнөөдөр /2017.04.10/ нд Бүгд Найрамдах Франц Улсаас Монгол Улсад суугаа Элчин сайд Эрхэмсэг хатагтай Элизабет Барсак, Соёл, Хамтын ажиллагааны зөвлөх Жан-Флоран Филтц, ШУС, ХУС, Европ судлалын тэнхмийн эрхлэгч С.Булгантамир тэргүүтэй төлөөлөгчдийг хүлээн авч уулзлаа.
Уулзалтын эхэнд хатагтай Элизабет МУИС-ийн захирал доктор Я.Төмөрбаатарыг шинээр томилогдсонд баяр хүргээд, БНФУ-ын зүгээс МУИС-тай боловсролын чиглэлээр тогтоосон найрсаг харилцаа, хамтын ажиллагаанд сэтгэл өндөр байгаагаа илэрхийллээ. Мөн дээрх чиглэлээр хоёр улсын хамтын ажиллагааг гүнзгийрүүлэхэд өндөр ач холбогдол өгч байгаагаа дурдав.
