2017 оны 04 дүгээр сарын 18-ны өдрийн Захиргааны зөвлөлийн ээлжит хурлын шийдвэр
ХЭЛЭЛЦСЭН АСУУДАЛ:
- Завхан сургуулийн өнөөгийн байдал, цаашдын зорилт, тулгамдсан асуудлууд /Завхан сургуулийн захирал М.Эрдэнэчимэг/
- МУИС-д Франц хэлтний цахим кампус байгуулах төсөл /Б.Алтангүл, ШУС-ийн Европ судлалын тэнхмийн профессор/
- Азийн хөгжлийн банкны “Дээд боловсролын шинэчлэлийн төсөл”-ийн хүрээнд МУИС дээр хэрэгжсэн “Дээд боловсролын сургалтын байгууллагын хөгжлийг дэмжих” тэтгэлэгт төслийн үр дүнгийн талаарх товч танилцуулга /төслийн удирдагчид Б.Болдгив, Ч.Нарантуяа, Г.Баярмагнай, Ц.Амартайван/
ШИЙДВЭРЛЭСЭН:
- Завхан сургуулийн 00-ийн бохирын усыг нэгдсэн системд холбох ажлыг санхүүжүүлэхээр болов.
- МУИС-д Франц хэлтний цахим кампус байгуулахыг дэмжиж, хамгийн тохиромжтой, бололцоотой өрөөг гаргаж өгөхөөр шийдвэрлэв.
- “Монгол Улсын их, дээд сургуулийн эрдэм шинжилгээ, инновацийн үндсэн бодлогын тулгамдсан асуудлыг шийдвэрлэх шинэчлэлийн арга зам” төслийг хаах, “МУИС-ийн засаглал, удирдлага, үйл явцыг сайжруулах замаар өрсөлдөх чадварыг нэмэгдүүлэх нь” төслийн хугацааг 2017 оны 12-р сарын 01 хүртэл сунгах, “МУИС-ийн академик менежментийг сайжруулах нь” төслийг 1 сарын хугацаатай сунгах, “МУИС-д хичээлийн хөтөлбөр боловсруулах, хэрэгжүүлэх, үнэлэх тогтолцоог бий болгох нь” төслийг 2017 оны 07-р сарын 01 хүртэл тус тус сунгахаар шийдвэрлэв.
Хурлаас Завхан сургуулийн захирал М.Эрдэнэчимэгт өгөгдсөн үүрэг, даалгавар:
- Завхан сургууль өөрийн стратеги төлөвлөгөөгөө шинэчлэх. Багш нарын хэлсэн саналыг стратеги төлөвлөгөөндөө тусган шинэчлэх, МУИС-ийн стратеги төлөвлөгөөтэй уялдуулах,
- ОУХНУС, БС /Баттулга, Болормаа/-тай ахисан түвшний магистрын хөтөлбөр хэрэгжүүлэх, энэ чиглэлээр нэгдсэн нэг ажлын хэсэг гаргах уу, эсвэл сургууль тус бүр дээр /ОУХНУС, БС/ хамтарсан хөтөлбөрүүд, бизнес инновацийг дэмжих үйл ажиллагааг сургуулийн захирлууд хоорондоо шууд хийх, Эрдэнэбулган захирлын хувьд магистрын хамтарсан хөтөлбөр хэрэгжүүлэх боломжийг анхаарах,
- Start up гарааны компани-тай холбогдуулад Болдгив захирал анхааралдаа авъя, ШУС-ийн Биологийн тэнхимтэй хамтран улаан хальст сармисыг судлах, биологийн идэвхт нэгдэл гаргах чиглэл рүү Баяртогтох захирал чиглүүлэх, холбогдох хүмүүстэй нь уулзуулах, тодорхой хэмжээгээр төсөл хөтөлбөр байвал ЭШИХэлтсээс дэмжих,
- Баттулга багшийн хэлсэнээр Баруун аймгийн сургуулиудын консерциум байгуулах тал дээр санаачлага гарган ажиллах, хамтарсан хөтөлбөр хэрэгжүүлэх гэх мэт /Ховд, Говь-Алтай, Баян-Өлгий/.
- Маркетингийн төлөвлөгөөнд асуудал оруулах ёстой. Та Бизнесийн сургууль дээр ажиллаж байгаа Даваасүрэн ахлагчтай ажлын хэсэгтэй уулзаад, Завхан сургуулийг цаашид хэрхэн хөгжүүлэх талаар саналаа солилцон, саналаа тусгаарай.
- Сургалтын төлбөр нэмэгдүүлэх асуудалд дараа жил төсөв хийж байх үед эдийн засгийн тооцоо үндэслэлээ сайн хийгээд оруулж ирэх.
