Монгол Тайвань хоорондын харилцан ойлголцлыг нэмэгдүүлэх хоёр талын боловсролын салбарын харилцан солилцоогоор Тайванийн засгийн газраас 2012-2013 оны хичээлийн жилд Монгол Улсаас 6 хүнийг Тайванийн тэтгэлгээр суралцуулах боломжийг олгож байна.
Нэг. Тэтгэлэг
Үүнд баклавр, магистр, докторт суралцагсдад тус бүрт доорхи тэтгэлгийг олгоно.
- Сургалтын төлбөр болон бусад зардал. (Сургалтын улирлын төлбөр болон сургалтын бусад зардалын төлбөр багтана) Тэтгэлэгт 40000 тайвань доллар дотор ба Тайванийн засгийн газраас олгох тэтгэлгээс гадна нэмэгдэл төлбөр гарсан тохиолдолд тухайн сургууль хариуцах болно. Бусад зардалд бичиг баримтын бүрдүүлэлтийн зардал, илтгэл, даатгал, байр болон интернетын зардал гэх мэт зардлыг суралцагч өөрөө хариуцах болно.
- Амьжиргааны зардал. Баклаврын оюутанд сар бүр 15000 тайвань доллар, магистр докторт суралцагсдад сар бүр 20000 тайвань долларын тэтгэлэг олгох болно.
Хоёр. Тэтгэлгийн хугацаа
- Суралцагсад баклаврт 4 жил, магистрт 2 жил, докторт 4 жилийн хугацаанд тэтгэлэгт хамрагдах боломжтой. Тэтгэлгээр суралцах оюутан тэтгэлэгт хамрагдсанаас хойш нийт 5 жилийн хугацаанд эдлэх эрхтэй.
- Тайваньд суралцуулах тэтгэлэг нь жил бүрийн 9-р сарын 1-ний өдрөөс дараа оны 8-р сарын 31-ний өдөр хүртэл үргэлжилнэ. Тэтгэлэгт хамрагдагсад нь тухайн сургуулийн бүртгэлийн хугацаанд бүртгэл хийлгэсэн байх шаардлагатай бөгөөд бүртгэл хийгдээгүй тохиолдолд тэтгэлэг олгох боломжгүй болно. Тухайн сургууль болон төлөөлөгчийн газраас бүртгүүлэх хугацааны сунгалт хийгдсэн тохиолдолд дээрхи шаардлага хамаарахгүй болно.
- Тэтгэлгээр суралцах оюутан сургуульдаа бүртгүүлээд хичээл эхэлсэн сараас эхлэн тэтгэлгийн хугацаа дуустал буюу тухайн оюутан сургуулиа төгсөх, чөлөө авах, сурахаа болих хүртэл тэтгэлгийг олгоно.
Гурав.Тавигдах шаардлага
- Бүрэн дунд болон түүнээс дээш боловсролын зэрэгтэй, онц сайн дүнтэй төгссөн, сахилга бат сайтай байх
- Доорхи нөхцөлд бүртгүүлэх боломжгүй
– Цагаач иргэн, Тайванийн иргэн
– Тайванийн их дээд сургуульд элссэн бусад төрлийн тэтгэлэгт хамрагдсан
– Тайваньд боловсролын ижил зэргээр суралцаж байсан.
– Тайванийн их, дээд сургууль ба гадаадын их, дээд сургуулийн хоорондын
боловсролын хамтын ажиллагааны гэрээний шугамаар суралцаж байсан.
– Урьд нь тус тэтгэлэгт хөтөлбөрт хамрагдаж байсан оюутны тэтгэлэг авсан
нийт хугацаа нь таван жилээс хэтэрсэн байх.
– Урьд нь тус тэтгэлэгт хөтөлбөрт болон Тайванийн Боловсролын Яамны
Хятад хэлний тэтгэлэгт хөтөлбөрт хамрагдаад тэтгэлэг авах эрхээ хасуулсан оюутан байх
– Тайваньд суралцаж байх хугацаандаа Тайванийн төрийн байгууллагууд
болон сургуулиудын тэтгэлэгт хамрагдсан байх. Харин уг тэтгэлэгт хамрагдсан боловч сургалтын төлбөрт хүрэлцэхгүй тохиолдолд тухайн сургуулиас сургалтын төлбөрийг зөрүүг төлүүлсэн байж болно.
- Бүртгүүлэгч нь Тайваний засгийн газрын тэтгэлэгт хамрагдах их дээд сургуулийн жагсаалт (хавсралт1) дахь сургуулийн журмын дагуу бүртгэлийн хугацаанд бүртгүүлсэн байх шаардлагатай бөгөөд жагсаалтанд бичигдээгүй их дээд сургуульд бүртгэл хийгдсэн тохиолдолд хүчингүйд тооцогдоно. Тус төлөөлөгчийн газарт хүргэгдсэн бичиг баримт буцаан олгогдохгүй болно.
Дөрөв. Бүрдүүлэх материал
1 Тайваньд суралцах тэтгэлгийн өргөдлийн маягт
2 Паспортын хуулбар эсвэл тэтгэлэг хүсэгчийг гадаадын иргэн болохыг нотлох бичиг баримтын хуулбар
3 Боловсролын гэрчилгээ болон дүнгийн жагсаалтын Тайванийн төлөөлөгчийн газраар баталгаажуулсан хуулбар.
4 Тайванийн их, дээд сургуульд элсэн суралцах өргөдлийн маягтын хуулбар (Жишээ нь: Сургуулийн бүртгэлийн хураамжын баримт, элсэлтийн хуудсын хуулбарууд, тухайн сургуулиас ирүүлсэн хариу захидал )
5 Тэтгэлэг хүсэгчийн хэлний түвшинг гэрчлэх бичиг баримтын хуулбар
– Хятад хэлний түвшин тогтоосон баримт болон дүнгийн жагсаалтын хуулбар
– Англи хэлний түвшин тогтоох баримт болох тофелын оноо болон тухайн орны албан ёсны баталгаат англи хэлний байгууллагаас олгосон баримтын хуулбар
6 Дээд албан тушаалтан болон доктор эрдмийн зэрэгтний 2 хувь тодорхойлолт
Тав. Материал хүлээн авах газар
Тайпэйн худалдаа, эдийн засгийн Улаанбаатар дахь төлөөлөгчийн газар
ш/х 1269, Улаанбаатар-13, Монгол улс
Утас: 976-11-322735
Факс: 976-11-322916
Зургаа. Материал хүлээн авах эцсийн хугацаа
Материалыг 2012 оны 4-р сарын 15-ний дотор бүрдүүлж өгнө
Долоо.
Тус төлөөлөгчийн газар нь 2012 оны 5-р сарын эцсээр урьдчилсан байдлаар Тайванийн тэтгэлэгт тэнцсэн хүмүүсийн нэрсийг зарлана.
Найм.
Урьдчилсан байдлаар тэтгэлэгт тэнцэгч нь 2012 оны 6-р сарын 30-аас өмнө Тайванийн их, дээд сургуулиудаас тухайн оюутанг элсүүлэн авсан эсэх талаарх хариугаа хүлээн авсан байх ба Тайванийн их, дээд сургуульд элсэн суралцах эрхийн бичгийн хуулбараа тус төлөөлөгчийн газар хүлээлгэн өгснөөр тэтгэлэг баталгаажих болно.
Ес.
Тус төлөөлөгчийн газар нь 2012 оны 8-р сард Тайванийн тэтгэлэг авах болзол хангасан оюутнуудыг хүлээн авч, Тайванийн талаар товч мэдээлэл өгнө.
Тайпэйн худалдаа, эдийн засгийн Улаанбаатар дахь төлөөлөгчийн газар
