Сүүлийн жилүүдэд бий болоод буй өөрчлөлт, шинэчлэлт зэргээс эх хэлээ хамгаалах зорилгоор БНТУ-ын ерөнхийлөгч Режеп Тайып Эрдоган 2017 оныг “Түрк хэлний жил” болгон зарласан билээ. Үүнтэй холбогдуулан зохион байгуулж буй үйл ажиллагааны хүрээнд 2017 оны 11-р сарын 13-16-ны өдрүүдэд Анкара хотноо Шинэ Түркийн стратеги судалгааны төв (YTSAM) болон Түрк хэлний Хүрээлэнгийн хамтран Türk Dili Konuşan Ülkeler Kurultayı сэдэвт олон улсын эрдэм шинжилгээний хурлыг зохион байгуулжээ.
Дэлхийн 50 орны 320 орчим эрдэмтэн судлаачид оролцон түрк хэл, соёл, заах арга, харьцуулсан судалгааны олон сонирхолтой илтгэл хэлэлцүүлсэн уг олон улсын эрдэм шинжилгээний хуралд ШУС-ийн Ази судлалын тэнхимийн түрэг судлалын салбарын багш доктор Б.Аззаяа, доктор Н.Гэрэлмаа, Б.Арьяажав нар оролцон илтгэлээ ажилттай хэлэлцүүлээд ирлээ.
