Захиргааны зөвлөлийн 2014 оны 12 дүгээр сарын 01-ний өдрийн ээлжит хуралдааны мэдээлэл
Хэлэлцсэн асуудал:
1. Захирлын мэдээлэл
2. Цаг үеийн асуудал /МТА-ны дарга А.Баатарбилэг, Сургалт хариуцсан дэд захирал
О.Мөнхбат/
3. Бусад асуудал
Товч тэмдэглэл
- Эрдмийн зөвлөлийн ээлжит хурлыг 2014.12.03-ны Лхагва гарагт 16.00 цагт хийхээр зарласан. Энэ эрдмийн зөвлөл Шинэ дүрэмд заасны дагуу 45 хүний бүрэлдэхүүнтэйгээр Бүрэлдэхүүн сургуулиудаас шинээр сонгогдсон Эрдмийн зөвлөлийн гишүүдээ баталж, МУИС-д профессор багш ажиллуулах журмаа хэлэлцүүлнэ. Одоогоор мэргэжил сонгох журам болон Магистр, докторын журам боловсруулагдаж байна.
- Оюутны дүнгийн лавлагаа болон тодорхойлолт авах ТҮЦ машин ажиллахад бэлэн болсон. Мөн хичээлийн 6-р байрны WiFi утасгүй сүлжээг тавьж дуусгаж ашиглалтанд орууллаа.
- Маргааш номын сангийн чөлөөт уншлагын 2 танхим болон ТҮЦ машины нээлт болно.
