2018 оны 4 дүгээр сарын 1-нд МУИС-ийн Монгол хэлний бэлтгэл ангид суралцаж буй гадаад оюутны дунд жил бүр уламжлал болгон явуулдаг “Наадам-2018” спортын тэмцээн амжилттай болж өнгөрлөө. Энэ удаа оюутнууд сагсан бөмбөг, гар бөмбөг, ширээний теннис, дартс гэсэн спортын дөрвөн төрлөөр өрсөлдөж дүнгээ гаргалаа.
Тэмцээний Сагсан бөмбөгийн төрөлд I байр Анхан-2 анги, II байр Гүнзгий-1 анги, III байр Дунд-2 анги, Гарбөмбөгийн төрөлд I байр Гүнзгий-1анги, II байр Анхан-3 анги, III байр Дунд-1 анги тус тус эзлэв. Ширээний теннисийн төрөлд БНАСАУ-ын оюутан Ри Сон Жү /эр/, БНСУ-ын оюутан Ким Ка Рам /эм/ түрүүлжээ. Тэмцээнийг хамтран зохион байгуулсан Биеийн тамирын тэнхим, Оюутны хөгжил, үйлчилгээний газрын хамт олонд оюутнуудын нэрийн өмнөөс талархал илэрхийлье.
