Оюутны хөгжил, үйлчилгээний газар болон Карьер хөгжлийн төв хамтран МУИС-ийн 2018 оны төгсөгчдөд зориулан “ТОХИРОХ АЖИЛД НЬ ЗӨВ ХҮНИЙГ…” зорилтот төслийн сарын аяны хүрээнд 2018 оны 4 дүгээр сарын 24-26-ны өдрүүдэд “ӨӨРИЙГӨӨ НЭЭ-КАРЬЕРАА УДИРД” лекцийг амжилттай зохион байгуулж байна. 2018 оны 4 дүгээр сарын 24-ний өдөр тус цуврал лекцийг МУИС –ийн Эрдэм шинжилгээ, инновац эрхэлсэн дэд захирал, профессор Б. Очирхуяг, ОХҮГ –ын дарга, доктор Б.Алтангэрэл, Карьер хөгжлийн төвийн захирал Д. Мөнхнаран нар нээж үг хэлэв. Уг лекцэнд 4 дүгээр сарын 24-ний өдөр 309, 4 дүгээр сарын 25-ны өдөр 245 оюутан хамрагдлаа.
“ТОХИРОХ АЖИЛД НЬ ЗӨВ ХҮНИЙГ…” зорилтот төслийн үйл ажиллагааг ETV бүтэн бичлэг хийж олон нийтэд танилцуулан , сурталчлахаар хамтран ажиллаж байна.
Технологийн хөгжлийг ашиглан өөрийгөө хөгжүүлэх хүсэл эрмэлзлэлтэй хүн бүрийн ухаалаг зөвлөх байж монгол хүний үнэ цэнийг нэмэгдүүлэх тухай сонирохолтой лекцэндээ сүүлийн 26-ны өдөртөө амжиж сууна уу гэж ОЮУТАН та бүхнийг урьж байна.
ОЮУТНЫ ХӨГЖИЛ, ҮЙЛЧИЛГЭЭНИЙ ГАЗАР
