Шинэ санаа, санаачилгыг шалгаруулах “МУИС Хакатон-2018” уралдаанд урьж байна

Share Button

 

МУИС-ийн оюутан залуусын дунд “МУИС-ийн соёлыг төлөвшүүлье” уриатай шинэ санаа, санаачилгыг шалгаруулах “МУИС Хакатон 2018” уралдааныг зарлаж байна. Энэхүү уралдааныг бидний амьдралд  тулгамдаж буй асуудлыг шинэлэг арга замаар шийдвэрлэхэд чиглэсэн суралцагч залуусын бүтээлч санааг дэмжих, тэднийг хөгжүүлэх,  гарааны бизнесээ эхлүүлэх боломж, бололцоог бүрдүүлэх зорилготойгоор 2017 оноос зохион байгуулж эхэлсэн билээ.

Энэ удаагийн уралдаанд МУИС-ийн байгууллагын соёлыг төлөвшүүлэх, өдөр тутмын үйл ажиллагаа, үйлчилгээнд тулгамдаж буй асуудал, бэрхшээлийг шийдвэрлэх, чанарыг сайжруулах шинэлэг шийдэл, шинэ санаачилгын нийгмийн инновацийн төслийг хүлээн авна.

Уралдаан 2 үе шаттай болно.

Нэгдүгээр шат: МУИС ХАКАТОН (MUIS Hackathon)

  1. “МУИС-ийн соёлыг төлөвшүүлье” уриатай “МУИС ХАКАТОН-2018” уралдаан 2018 оны 6 дугаар сарын 11-ны өдрөөс 6 дугаар сарын 13-ны өдрүүдэд 48 цагийн турш МУИС-ийн үйлчилгээнд тулгамдаж буй асуудлыг шийдвэрлэх, сайжруулах, МУИС-ийн соёлыг төлөвшүүлэх шинэлэг санаагаа дэвшүүлж хөгжүүлнэ.
  2. Хакатоны туршид багаа бүрдүүлэх, хэрэгцээгээ зөв тодорхойлох, төсөл боловсруулах, найрааны урлагт чиглүүлэх сургалт явуулж, менторууд зөвлөнө.
  3. Хакатонд хамгийн олон оролцогч дэмжсэн 10 хүртэл санааны санаачлагчид багаа бүрдүүлэн 48 цагийн турш төсөл болгон хөгжүүлнэ.
  4. Багууд 48 цагийн төгсгөлд танилцуулах өдөр(Demo Day)-өөр төслөө танилцуулна.
  5. Танилцуулах өдрийн шалгаруулалтаар 3 хүртэл багийг шалгаруулж, дараагийн шатанд хамрагдах эрх олгоно.

Хоёрдугаар шат: ХӨГЖҮҮЛЭЛТ

  1. Шалгарсан багууд 2018 оны 6 дугаар сарын 13-наас 9 дүгээр сарын 1-ны хооронд төслийн бизнес төлөвлөгөө, хэрэгжүүлэх үйл ажиллагааны төлөвлөгөөг боловсруулна.
  2. Төслийн тайланг 2018 оны 9 дүгээр сарын 10-нд Оюутны хөгжил, үйлчилгээний газар /ОХҮГ/-т хүлээн авч, шаардлага хангасан төслийг хэрэгжүүлэх зардлын санхүүжилт олгоно.

ОРОЛЦОГЧИД ТАВИХ ШААРДЛАГА:

  • МУИС-ийн бүх салбарын бакалаврын хөтөлбөрөөр суралцагсад байх.
  • Санаагаа 1 минутад багтаан видео бичлэг хийж, интернэтэд байршуулан (youtube гэх мэт) холбогдох линкийг chinzorig88@gmail.com хаягаар ирүүлэх

ХУГАЦАА: Санаа хүлээн авах сүүлийн хугацаа: 2018 оны 6 дугаар сарын 8-ний өдрийн 15:00 цагт

ОРОЛЦОХ ОЮУТНЫ ТОО: 100-120 оюутан

“МУИС ХАКАТОН-2018 ТӨСЛИЙН ТӨСӨВ:  9 сая төгрөг

БҮРТГЭЛ: МУИС-ийн хичээлийн 2 дугаар байрны 200 тоотод 2018 оны 5 дугаар сарын 28-ны өдрөөс 6 дугаар сарын 8-ны өдрийн 15:00 цаг хүртэл бүртгэнэ.

ДЭЛГЭРЭНГҮЙ МЭДЭЭЛЭЛ АВАХ: МУИС-ийн ОХҮГ утас:  75754400 /1512, 1513/

ОЮУТНЫ ХӨГЖИЛ, ҮЙЛЧИЛГЭЭНИЙ ГАЗАР

Сул хараатай иргэдэд
зориулсан хувилбар
Энгийн хувилбар