Тэтгэлгийн зорилго нь: МУИС-д суралцаж буй бакалаврын түвшний суралцагчдын сурч боловсрох, өөрийгөө хөгжүүлэхэд дэмжлэг үзүүлэх, амжилттай суралцаж буй шилдэг суралцагчийг урамшуулах зорилготой.
Дараах болзол хангасан суралцагч тэтгэлэгт нэрээ дэвшүүлэх боломжтой. Үүнд:
- Олон улсын олимпиадад шагналт байр эзэлж медаль хүртсэн суралцагч,
- Суралцаж буй чиглэлээрээ их дээд сургуулиудын оюутны дунд зохион байгуулагддаг улсын чанартай мэргэжлийн олимпиад, эрдэм шинжилгээний хуралд эхний 3 байр эзэлсэн суралцагч,
- Улсын болон олон улсын чанартай урлаг, спортын наадам, уралдаан тэмцээнд МУИС-ийг төлөөлөн оролцож эхний 3 байр эзэлсэн суралцагч,
Тэтгэлэгт тавигдах шаардлага:
- МУИС-ийн бакалаврын түвшний идэвхитэй төлөвийн суралцагч байх,
- Сурлагын голч дүн 3.0 буюу түүнээс дээш байх,
- Ёс суртахууны доголдолгүй, сахилгын шийтгэлгүй байх,
- Давхар тэтгэлэгт хамрагдаагүй байх,
Бүрдүүлэх бичиг баримтын жагсаалт:
- Хүсэлт гаргах анкет /загварын дагуу/ [gview file=”https://news.num.edu.mn/wp-content/uploads/2018/06/NUM-анкет-1.docx”]
- Албан ёсны дүнгийн тодорхойлолт
- Амжилтыг гэрчлэх бичиг баримтын хуулбар, тодорхойлолт
- Монгол хэл дээр “Миний зорилго-миний ирээдүй” сэдвээр 300-аас доошгүй үгтэй эссэ бичлэг
Тэтгэлгийн хэмжээ: Тухайн хичээлийн жилд сонгосон 30-аас ихгүй багц цагийн төлбөрийн 50 хувьтай тэнцэх хэмжээний монгол төгрөг /Нэг улиралд сонгосон 15-аас ихгүй багц цагийн 50 хувьтай тэнцэх төлбөрийг 2 улирлын турш олгоно/
Тэтгэлэг гардуулах хугацаа: 2018-2019 оны хичээлийн шинэ жилийн нээлтийн ёслолын үйл ажиллагааны үеэр гардуулна.
Дээрхи материалуудыг нэгтгэн нүхтэй хавтсанд хийж ирүүлнэ.
Тэтгэлгийн хүсэлт гаргах бичиг баримтыг 2018 оны 6 дугаар сарын 25-ны өдрийн 12:00 цагаас өмнө МУИС-ийн хичээлийн 2-р байрны 216 тоот өрөө, Оюутны хөгжил, үйлчилгээний газарт ирүүлнэ. Хугацаа хоцорсон материал хүлээн авахгүй болохыг анхаарна уу.
Асуух тодруулах зүйл гарвал дараах хаягаар хандана уу.
Enkhjargal@num.edu.mn; 77307730-1511
ОЮУТНЫ ХӨГЖИЛ, ҮЙЛЧИЛГЭЭНИЙ ГАЗАР
