Өнгөрөгч долоо хоногт Засгийн газрын Хэрэг эрхлэх газар, Монгол Улсын Их Сургууль, Удирдлагын академи хамтран зохион байгуулсан “Ази дахь зөвлөлдөх ардчиллын туршлага” олон улсын эрдэм шинжилгээний хуралд оролцон илтгэл хэлэлцүүлэхээр ирсэн АНУ-ын Стэнфордын их сургуулийн Зөвлөлдөх ардчиллын төвийн захирал, профессор Ж.Фишкин болон МУИС-ийн ШУС-ийн захирал Б.Баяртогтох нар хоёр сургууль хоорондын хамтын ажиллагааны санамж бичигт гарын үсэг зурлаа.
Энэ хамтын ажиллагааны санамж бичиг байгуулсанаар МУИС болон Стэнфорд их сургуулийн тэнхимүүд, профессорууд цаашид хамтарсан төсөл хөтөлбөр хэрэгжүүлэх, судалгаа хийх зэрэг, цаашид чиглэл салбараа өргөжүүлэн хамтран ажиллах боломж нээгдэж буй юм.
