Бээжингийн Технологийн Их Сургууль (BIT) нь шинжлэх ухаан, технологи, хүмүүнлэгийн салбарт тэргүүлэгч Хятадын топ их сургуулиудын нэг юм. МУИС –д суралцагч докторантур, магистантур, бакалаврт суралцагч оюутнуудад зориулан 2019-2020 оны хичээлийн жилийн China Scholarship Council тэтгэлэгт хөтөлбөрийг зарлаж байна.
Суралцах хугацаа: Оюутан солилцоо 1-2 улирал, Магистрын хөтөлбөрт 2 жил, PhD хөтөлбөрт 4 жил
Хамрагдах оюутны тоо: магистр, докторын 3 оюутан , оюутан солилцоогоор 1-2 улирал суралцах хүсэлтэй 5 оюутан
Шаардлага:
- МУИС-ийн бакалавр, магистр, докторын түвшний оюутан байх
- Голч оноо бүх түвшинд 3.0 -аас дээш байна.
- Англи хэлний хэлний TOEFL 85, IELTS- 5,5: Хятад хэлний HSK 5 түвшний мэдлэгтэй байх
- Харилцааны соёлтой, нээлттэй, суралцах чин хүсэл эрмэлзлэлтэ, техникийн гүнзгий мэдлэгтэй байх
Суралцах хөтөлбөрүүд:
- Сансар судлал ба нисэхийн технологи
- Механик инженер
- Компьютерийн ухаан, Компьютерийн технологи
- Хяналт шалгалт, инженерчлэл
- Электроникийн ухаан ба технологи
- Мэдээлээл, холбооны технологи
- Хими инжерчлэл, технологи
- Хими
- Зэвсэг техник, технологи
- Аюулгүй байдал хөдөлмөр хамгаалалын инженерчлэл
- Хууль
Хөтөлбөрүүдийн талаарх дэлгэрэнгүй мэдээллийг хавсаргасан файлаас үзнэ үү.
Бүрдүүлэх материал:
- Сургуулийн тодорхойлолт англи хэл дээр
- Албан ёсны дүнгийн хуулбар англи хэл дээр
- Англи хэл дээр тодорхойлох захиа -1% /Recommendation letter/ тодорхойлолт гаргагчийн албан ёсны хаягтай байх
- Англи, Хятад хэл дээр сурах / судалгааны ажлын / төлөвлөгөө
- Англи, Хятад хэлний харгалзах онооны батламжийг хавсаргах.
- Гадаад паспортын хуулбар
- Гадаад паспортын загварын цээж зураг 2%
- Солилцооны оюутан нь бакалаврын түвшинд бол “general visiting student”, магистр, докторын оюутан “senior visiting student” маягтыг бөглөнө.
Сургалтын төлбөр, зардал: China Scholarship Council- аас сар бүр магистрын оюутанд 3000, PhD хөтөлбөрийн оюутанд 3500 иенийн тэтглэг олгоно. Тэтгэлэгт сургалтын төлбөр, байр, эрүүл мэндийн даатгал болон амьжиргааны зардал орсон. Солилцооны оюутан сургалтын төлбөрөөс чөлөөлөгдөнө.
Хүсэлт хүлээн авах эцсийн хугацаа: 2019 оны намрын улиралд 5 дугаар сарын 24-ний 17:00 цаг, 2020 оны Хаврын улирал 12 дугаар сарын 23-ны өдрийн 17.00 цаг
Оюутан төгсөгчийн хэлтэс нь сонгон шалгаруулалтыг хийх ба нэр дэвшигчийн нэрийг 12 дугаар сарын 31 / 5 дугаар сарын 31-ны дотор Бээжингийн Технологийн Их Сургуульд илгээнэ. Хүсэлт гаргагч нь өөрийн бүрдүүлсэн материалыг МУИС-ийн хичээлийн II байр 200, 216 тоот Оюутан, төгсөгчийн хэлтэст өөрийн биеэр авчирч өгөх ба өөрийн материалыг нэг багц PDF файл болгон studentaffairs@num.edu.mn хаягаар илгээнэ.
ОЮУТАН, ТӨГСӨГЧИЙН ХЭЛТЭС
