МУИС-ийн бакалаврын хөтөлбөрийн ерөнхий суурь болон мэргэжлийн суурь хичээл судалж буй оюутны сургалтад зориулсан, дэлхийн шилдэг их, дээд сургуулиудын сурах бичигт тавих шаардлагыг хангасан, Монгол хэлээр туурвисан/орчуулсан сурах бичгийн сан бүрдүүлэхэд чиглэгдэнэ.
Сурах бичигт тавигдах нийтлэг шаардлага
Сурах бичиг нь дараах шаардлагыг хангасан байна.
- МУИС-ийн Ерөнхий болон мэргэжлийн суурь хичээлээр судлах боломжтой, дээд боловсролын ерөнхий суурь, мэргэжлийн суурь мэдлэг, ур чадварыг бүрэн өгч чадахуйц, холбогдох хичээл, мэргэжлийн онцлогийг тусгасан,
- Боловсролын стандарт, сургалтын бодлогын шаардлагад нийцсэн, МУИС-ийн Хөтөлбөрийн ерөнхий хорооноос баталсан хичээл, хөтөлбөрийн хүрээнд судлах боломжтой,
- МУИС-ийн холбогдох тэнхимийн хөтөлбөрийн дэд хороодоор хэлэлцүүлж дэмжигдсэн байна,
- Орчуулгын сурах бичиг нь БСШУЯамнаас баталсан жагсаатанд орсон дэлхийн тэргүүлэх 100 их сургуульд ашигладаг, 3-аас доошгүй удаа дахин хэвлэгдсэн, тухайн хичээлийн хөтөлбөрт тусгагдсан байна,
- Сурах бичиг нь 30-50 хэвлэлийн хуудастай байна,
- Сурах бичгийн зохиогчийн эрхийг МУИС эзэмших нөхцлийг хүлээн зөвшөөрөх баг байна. МУИС Пресс төвтэй гэрээ байгуулна,
- Сурах бичгийн зохиогчийн/орчуулагчийн баг 10 хүртэл гишүүдтэй байна.
Зохиогчийн баг нийт төсөвтөө зохиогчийн шагнал/орчуулгын эрхийн төлбөр, орчуулагчийн хөлс, ерөнхий редакторын хөлс/орчуулгын редакторын хөлс, фото зургийн эрх, зураг зуруулах хөлс зэрэг зардлыг тусгаж тооцсон байна.
Төслийн үр дүн:
- Сурах бичиг эх бэлтгэлд шилжүүлэхэд бэлэн болсон байна.
- Сурах бичгийг хөтөлбөрийн хороогоор хэлэлцүүлж батлуулна.
Төслийн санал хүлээн авах газар: МУИС Пресс төв /Гадаад оюутны IV байр, 2 давхарт/
Хүлээн авах хугацаа: 2019 оны 2 дугаар сарын 21-ний өдрөөс 3 дугаар сарын 13-ны өдрийн 17:00 цаг хүртэл
Холбоо барих утас: 77307730-1191, 1190
И-мэйл хаяг: numpresspublishing@gmail.com
