Судалгаа, дээд боловсролын академи (Académie de Recherche et d’Enseignement supérieur – ARES) нь Бельги улсын франц хэлээр ярьдаг хэсэг дэх Валониа-Брюсселийн холбооны дээд боловсролын байгууллагуудын нийгэмлэг юм. Боловсролын байгууллагуудад сургалт, судалгаа, олон нийтийн үйлчилгээний үйл ажиллагаануудад нь дэмжлэг үзүүлдэг үүрэгтэй энэ академи 6 их сургууль, 19 их сургуулийн коллеж, 16 урлагийн коллеж, насанд хүрэгчдийн 86 боловсролын коллеж зэрэг байгууллагатай хамтран ажиллаж, үндэсний болон олон улсын хамтын ажиллагааг дэмждэг.
ARES нь Валониа-Брюсселийн холбооны АСЕМ-DUO тэтгэлэгт хөтөлбөрийг Сөүл хотод байрладаг ASEM-DUO-ийн газартай хамтран хэрэгжүүлэх үүрэг бүхий захиргааны байгууллага ба хөтөлбөрийг зарлах, өргөдөл хүлээн авах, өргөдөл гаргагчдыг сонгох, тэтгэлгийг олгох, үйл ажиллагааны тайлан хүлээн авах гэх мэт үйл ажиллагаа явуулдаг. Байгууллагын талаар дэлгэрэнгүй мэдээллийг http://www.ares-ac.be/fr/relations-internationales хуудаснаас үзнэ үү.
АСЕМ-DUO тэтгэлэгт хөтөлбөр
2011 оноос хэрэгжиж эхэлсэн АСЕМ-DUO тэтгэлэгт хөтөлбөр нь Ази-Европ хоёр бүс нутгийн дээд боловсролын оюутнууд, багш, профессоруудын тэнцвэртэй солилцоог дэмжих, их дээд сургуулиудын хооронд тогтмол солилцооны хөтөлбөрүүдийг бий болгох, хоёр бүс нутгийн хамтын ажиллагаа, яриа хэлэлцээг бэхжүүлэх зорилготой юм.
Энэхүү хөтөлбөр нь Европын нэг, Азийн нэг дээд боловсролын байгууллагын хооронд оюутан, профессорын “хосолсон солилцоо”-г санал болгодог 2 дэд хөтөлбөртэй.
“DUO Валониа-Брюссель”-г Валониа-Брюсселийн холбоонд байгуулагдсан ба профессорын “хосолсон солилцоо”- хөтөлбөрийг тус холбоонд байх сургуулиуд болон Азийн бүсийн Австрали, Бангладеш, Бруней, Камбож, Хятад, Энэтхэг, Индонез, Япон, Казахстан, Өмнөд Солонгос, Лаос, Малайз, Монгол, Мьянмар, Шинэ Зеланд, Пакистан, Филиппин, Орос, Сингапур, Тайвань, Тайланд, Вьетнам улсын дээд боловсролын байгууллагуудтай зохион байгуулах зорилготойгоор үүсгэн байгуулсан.
Хөтөлбөрийн талаар дэлгэрэнгүй мэдээллийг http://www.asemduo.org хуудаснаас үзнэ үү.
DUO Валониа-Брюссель-2019
- Хэн өргөдөл гаргаж болох вэ?
Өргөдөл гаргагч нь Валониа-Брюсселийн эсвэл Азийн их сургуулийн цалин авдаг, үндсэн багш, эрдэм шинжилгээний ажилтан байх ёстой. (Оюутан. докторын оюутан, эмерит профессор, хүндэт профессор, багшийн туслах нар хамаарахгүй).
Валониа-Брюсселийн нэг их сургууль, Азийн нэг их сургууль хооронд профессорын солилцоо хийгдэх ба ижил хугацаанд хийгдэх шаардлагагүй, ижилхэн хоёр хэлтсийн хооронд байх шаардлагагүй.
- Тэтгэлэг болон үргэлжлэх хугацаа
2019-өөс 2020 оны хичээлийн жилд профессорын солилцоо нь 2019 оны 08 дугаар сарын 01-нээс 2020 оны 08 дугаар сарын 31-ний хооронд явагдах ба 2019 оны АСЕМ-DUO тэтгэлэгт хөтөлбөрийн нийт санхүүжилт нь 50000 евро байна.
Тэтгэлгийн үргэлжлэх хугацаа болон хэмжээ нь дараах нөхцөлтэй;
- Солилцооны үргэлжлэх хугацааг нэг хүнд хамгийн багадаа нэг сар (нэг сарыг дундаа завсарлагатайгаар 15 хоногоор дуусгах боломжтой) хамгийн ихдээ гурван сар байна1 (Тухайн хуанлийн жилд 30-аас дээш хоногоор аялсан тохиолдолд тэтгэлэгт татвар ногдуулна.)
- Хоёр профессорт олгох тэтгэлгийн хэмжээ нь сар бүр 5,000 евро гурван сарын солилцооны нийт дүн нь 15,000 евро байна.
- Энэ дүнд тээврийн болон зам хоногийн зардал багтана.
- Тэтгэлгийг хэсэгчлэн олгоно; профессорууд үйл ажиллагааны тайлангаа (дээд тал нь 4 хуудас) ирүүлсэний дараа тэтгэлгийн сүүлчийн хэсгийг олгоно.
Шалгуур
Өргөдөл гаргагч нь дараах шалгууруудыг хангасан байна. Үүнд;
- Өргөдөл гаргагч нь Валониа-Брюсселийн нэг их сургууль эсвэл Азийн нэг их сургуулийн багш, эрдэм шинжилгээний ажилтан байх ёстой. (тухайн их сургуульд үндсэн ажил хийдэг, цалинждаг байх)
- Валониа-Брюссель ба Азийн их сургуулиуд нь дээд боловсролын салбарт эрх бүхий байгууллагуудаар хүлээн зөвшөөрөгдсөн / магадлан итгэмжлэгдсэн байх ёстой
- Австрали, Бангладеш, Бруней, Камбож, Хятад, Энэтхэг, Индонез, Япон, Казахстан, Өмнөд Солонгос, Лаос, Малайз, Монгол, Мьянмар, Шинэ Зеланд, Пакистан, Филиппин, Орос, Сингапур, Тайвань, Тайланд, Вьетнам улсуудын боловсролын байгууллага байх:
- Валониа-Брюссель болон Азийн 2 их сургууль нь хамтын ажиллагааны гэрээ байгуулсан байх эсвэл дараагийн хоёр жилд багтаан гэрээ байгуулах хүсэлтээ илэрхийлсэн байх;
- 2019 оны 08 дугаар сарын 01-нээс өмнө солилцоонд хамрагдаж эхэлсэн өргөдөл гаргагч нь тэтгэлэгт хамрагдахгүй;
- ASEM-DUO-ийн байгуулсан журмаар профессоруудын иргэншил нь тэтгэлэгт тэнцэх шалгуур болохгүй.
- Тэтгэлэгийн хөтөлбөр бүх салбаруудад нээлттэй.
Өргөдөл гаргах сүүлийн хугацаа: 2019 оны 4 дүгээр сарын 15.
Энэхүү хөтөлбөрт хамрагдахын тулд бүрдүүлэх материал, сонгон шалгаруулалт хэрхэн явагдах, үйл ажиллагааны календарь, тайлангийн талаар дэлгэрэнгүй мэдээлэл болон бүртгэлийн хуудсыг хавсралтаас үзнэ үү.
[gview file=”https://news.num.edu.mn/wp-content/uploads/2019/02/01.-DUO-Belgium-Wallonia-Brussels-2019-Call-for-applications.pdf”]
[gview file=”https://news.num.edu.mn/wp-content/uploads/2019/02/02.-DUO-Belgium-Wallonia-Brussels-2019-Application-Form-1.pdf”]
Хамтын ажиллагааны хэлтэс
