МУИС-ийн нэрэмжит тэтгэлэг нь суралцагчдынхаа сурч боловсрох, өөрийгөө хөгжүүлэхэд дэмжлэг үзүүлэх, амжилттай суралцаж буй шилдэг оюутныг урамшуулах, зарим мэргэжлээр элсэгчдийг дэмжих зорилготой билээ. 2018 оны 10 дугаар сарын 23-ны өдөр батлагдсан “Монгол Улсын Их Сургуульд суралцагчдад тэтгэлэг олгох нийтлэг журам”-д тэтгэлгийн хамрах хүрээ, төрөл, хэмжээг нэмэгдүүлж, МУИС-ийн ахисан түвшний суралцагчид тэтгэлэгт хамрагдах өргөн боломжийг нээсэн журам болсон юм.
МУИС нь ахисан түвшний сургалтдаа жилд 2 удаа элсэлт авдаг учир ахисан түвшний суралцагчдад зориулсан МУИС-ийн нэрэмжит тэтгэлгийг мөн улирал бүр зарлан олгодог болсон.
Энэ хичээлийн жилийн 2-р улиралд зарлагдсан Ахисан түвшний тэтгэлгийн зарласан хугацаанд докторын 7, магистрын 25, нийт 32 суралцагчийн материал ирснээс МУИС-ийн захирлын А/223 тоот тушаалаар томилогдсон МУИС-ийн бүх бүрэлдэхүүн сургуулийн профессор багш нарын бүрэлдэхүүнтэй ажлын хэсэг хуралдаж, суралцагчдын сурлага, багц цагийн болзол, судалгааны ажлын үр дүнгийн байдал зэргийг харгалзан үзэж дүгнэн 9 суралцагчийг шалгаруулсныг өнөөдөр /2019.06.07/ гардуулан өглөө.
“МУИС-ийн нэрэмжит ахисан түвшний тэтгэлэг” гардан авсан суралцагчид
| № | Овог | Нэр | Сургууль | Хөтөлбөр |
| Докторант | ||||
| 1 | Ёндонжамц | Жажинжав | ХШУИС | Хэрэглээний хими |
| 2 | Эрдэнэцогт | Уугангэрэл | ХШУИС | Хэрэглээний хими |
| 3 | Оюунбилэг | Мөнхзул | ШУС-БУС | Биологи |
| 4 | Амармэнд | Цэнд-Аюуш | ШУС-ХУС | Утга зохиол судлал |
| 5 | Ганзориг | Билгүүн | ШУС-НУС | Сэтгүүл зүй |
| Магистрант | ||||
| 6 | Үнэнбат | Доржоо | ШУС-ХУС | Хэл шинжлэл |
| 7 | Батцэвээн | Буянхишиг | ХШУИС | Наношинжлэх ухаан, наноинженерчлэл |
| 8 | Ренчиндорж | Одням | ШУС-БУС | Хими |
| 9 | Зоригтбаатар | Гэрэлмаа | ШУС-БУС | Биохими |
Оюутан, төгсөгчийн хэлтэс
