МУИС-ийн магистрант, докторантыг туслахаар ажиллуулах журмын дагуу Эрдэм шинжилгээний хэлтэст захиргааны туслах ажилтан /түр/ шалгаруулж ажиллуулна. МУИС-ийн профессор, багшийн эрдэм шинжилгээний ажлын үр дүн, төслийн менежментийг цахимжуулахад анхаарч ажиллаж байгаа билээ. Энэ ажлын байранд дараах ажил үүргийг гүйцэтгэж ажиллана.
- ЭШММС, ТММС-ийн хэрэглэгчдэд туслах
- ЭШММС, ТММС-ийн өгөгдлийг цэвэрлэх, нэгтгэх
- Өгөгдлийн шинжилгээ хийх
Ажлын байранд тавигдах шаардлага:
- МУИС-ийн магистрант, докторант байх; /мэдээлэл, компьютерийн ухааны чиглэлээр бол давуу тал болно/
- Монгол, англи хэлний дундаас дээш түвшний мэдлэгтэй байх; /нэмэлт гадаад хэлний мэдлэгтэй бол давуу тал болно./
- Их, дээд сургууль, судалгааны байгууллагад ажиллаж байсан туршлагатай бол давуу тал болно.
- Бичиг хэрэг, архивын стандартын шаардлага хангасан баримт бичиг боловсруулах чадвартай байх;
- Хариуцлагатай, хувийн зохион байгуулалт сайтай, харилцааны өндөр соёлтой, ёс зүйн хэм хэмжээг мөрдөх чадвартай байх;
- Бүтээлч, санаачилгатай, ачаалал даах, багаар ажиллах чадвартай байх;
- Компьютерийн өргөн хэрэглээний програмууд, интернэтийн орчинд ажиллах чадвартай байх;
Бүрдүүлэх материал:
- Төрийн албан хаагчийн анкет
- Боловсролын зэргийн диплом, бусад мэргэжлийн үнэмлэх, сертификатын хуулбар
- МУИС-д магистрант, докторантаар суралцаж байгаа тухай тодорхойлолт
- Иргэний үнэмлэхийн хуулбар
Бүртгэл: 2019 оны 12 дугаар сарын 25-ны өдрийн 17.00 цаг хүртэл МУИС-ийн хичээлийн 1-р байрны 204 тоот өрөөнд бүртгэнэ.
Утас: 75754400-1136
МУИС-ийн Захиргаа, хүний нөөцийн газар
