МУИС 70 жилийн ойн босгон дээрээ байгуулагдсанаасаа хойш үүсэн бий болсон эрдэм шинжилгээний шилдэг шавь сургуулийн шагнал гардуулах ёслолын ажиллагаа 2012 оны 10 дугаар сарын 3-ны өдөр МУИС-ийн Эрдмийн танхимд болж өндөрлөлөө.
Эрдэм шинжилгээний шилдэг шавь сургуулийг байгалийн, нийгмийн хоёр салбараар тодруулсан бөгөөд 1-р байр өргөмжлөл, 5 сая төгрөг, 2-р байр өргөмжлөл, 3,5 сая төгрөг, 3-р байр өргөмжлөл, 2 сая төгрөг, тусгай байр өргөмжлөл, 1 сая төгрөгөөр тус тус шагналаа.
Эрдэм шинжилгээний шилдэг шавь сургуулийг шалгаруулах комиссын шийдвэрийг үндэслэн байгалийн ухааны салбарт 3-р байр хоёрыг, мөн тусгай байрыг шалгарууллаа.
Байгалийн ухааны салбар
1-р байр, Физик электроникийн сургуулийн Проф. Г.Очирбат, Проф. О.Лхагва, Проф. Б.Бурмаа, Проф. Г.Шилагарди ахлагчтай
Онолын ба Хатуу биеийн физик
2-р байр, Математик Компьютерийн сургуулийн Проф. Т.Жанлав ахлагчтай
Хэрэглээний математик
3-р байр, Хими, хими инженерчлэлийн сургуулийн Проф. Н.Цэвэгсүрэн ахлагчтай
Хүнс, байгалийн нэгдэл
3-р байр, Биологи, биотехнологийн сургуулийн Проф. Т.Гун-Аажав ахлагчтай
Биофизик, биоинформатик
Тусгай байр, Мэдээлэл технологийн сургуулийн Проф. Ж.Пүрэв ахлагчтай
Комьпютер, хэл шинжлэл
Нийгмийн ухааны салбар
1-р байр, Монгол хэл соёлын сургуулийн Проф. Ш.Чоймаа ахлагчтай
Монголчуудын бичиг үсгийн соёл, сурвалж судлал хамтлаг
2-р байр, Эдийн засгийн сургуулийн Проф. Ц.Болормаа ахлагчтай
Монгол улсын хүн амын дотоод шилжих хөдөлгөөний чиг хандлага, үр дагавар
3-р байр, Эдийн засгийн хүрээлэнгийн Проф. П.Лувсандорж ахлагчтай,
Монголын эдийн засгийн бүтцийг сайжруулах, өрсөлдөх чадварыг дээшлүүлэх асуудал хамтлагууд тус тус тодорлоо.
