2020-2021 оны хичээлийн жилийн намрын улирлын “New Faculty Orientation” буюу “Шинэ багшийн чиглүүлэх сургалт” -ыг 2020 оны 9 дүгээр сарын 30-ны өдөр 13:00-16:00 цагт Номын сангийн 204 тоот танхимд зохион байгууллаа.
МУИС-ийн Сургалт, оюутан хариуцсан дэд захирал, Др. Д.Бадмаанямбуу сургалтыг нээж үг хэллээ. Сургалтад БХЦСТөвийн эрхлэгч С.Отгонцэцэг төвийн үйл ажиллагаа, “Дижитал профессор студи” -ийн танилцуулга, ЗХНГ-ын ахлах мэргэжилтэн Т.Амартунгалаг байгууллагын бүтэц, зохион байгуулалт, хөдөлмөрийн дотоод журам, стратегийн төлөвлөгөө, МТГ-ын мэргэжилтэн У.Цэцэгжаргал “СИСи” систем, ШУС-ийн БССТ-ийн зөвлөх профессор Ж.Даваа “Багшлахуй – Суралцахуй”, багшийн ёс зүй сэдвээр тус тус мэдээлэл өгсөн бөгөөд сургалтын төгсгөлд МУИС -ийн архивч Ц.Молом “Эрдмийн музей” /МУИС -ийн музей/ -г таницуулав.
Энэхүү сургалтад бүрэлдэхүүн сургуулиудын 23 багш оролцлоо. Сургалтын үйл ажиллагаа зохион байгуулалтад хамтарч ажилласан бүх газар, хэлтэс албад болон мэргэжилтэн, багш нартаа талархал илэрхийлье !
БАГШИЙН ХӨГЖИЛ, ЦАХИМ СУРГАЛТЫН ТӨВ
