Монгол Улсын Их Сургууль 78 жилийн хугацаанд зуу гаруй мянган төгсөгч, манлайлагчдыг бэлтгэжээ. Өөрөөр хэлбэл тантай, бидэнтэй эрдмийн овог адил, МУИС-аар овоглодог зуун мянган хүн монголоо манлайлж, дэлхийд өрсөлдөж байна.
Бид МУИС-аар овоглодог төгсөгчид, дэмжигчид рүүгээ чиглэсэн “овог түншлэл” бодлогын хүрээнд хилийн чанад дахь төгсөгчид, дэмжигчидтэйгээ нэгдэн чуулж, зөвлөлдөн хэлэлцэж, хамтран төлөвлөж, хамтдаа хөгжих зорилготой бүс нутгийн чуулга уулзалтуудыг зохион байгуулж эхэллээ.
Энэ жилийн “МУИС-ийн төгсөгч, дэмжигчдийн чуулга уулзалт”-ыг хөгжингүй орнуудад ажиллаж, суралцаж буй Монголчууд, Монголч түмний оюуны хөрөнгө оруулалтыг Монгол орны хөгжил дэвшилд үр өгөөжтэй нэвтрүүлэх тогтолцоог бүрдүүлэх, батжуулах зорилготой “Монгол орны хөгжилд” чуулга уулзалтын нэгэн хэсэг болгон цахимаар зохион байгуулах гэж байна.
Уг чуулга уулзалтаар МУИС-аас төгсөгч, дэмжигчидтэйгээ хамтран ажиллах урилгыг хүргүүлж, хамтран ажиллах боломж, санал, туршлагыг хэлэлцэж цаашдын төлөвлөгөөг зөвлөлдөх болно.
“МУИС-ийн төгсөгч, дэмжигчдийн чуулга уулзалт “Монгол орны хөгжилд” 16-р чуулганы 2 дох өдөр буюу 2020 оны 12 дугаар сарын 6-ны өдөр Зүүм программ ашиглан зохион байгуулагдана.
Та ЭНД дарж бүртгүүлнэ үү.
Монголоо манлайлж Дэлхийд өрсөлдөж байгаа МУИС-аар овоглодог Та бүхнийг бахархан урьж байна.
