Монгол Улсын төрийн өмчит их сургуулиудын хамтын ажиллагааны санамж бичгийн хэрэгжилтийг эрчимжүүлэх, 2021-2022 оны хичээлийн жилд хийх ажлуудыг тодорхой болгох зорилгоор төрийн өмчит 6 их сургууль (МУИС, АШУҮИС, ХААИС, МУБИС, ШУТИС, СУИС) -ийн захирлуудын хурлын шийдвэрийг үндэслэн хамтарсан тушаал гарлаа.
Тус тушаалд:
- Төрийн өмчит 6 их сургуулийн “Хөгжлийн бодлого”-ын баримт бичигт үнэлгээ хийх
- Их сургуулийн үлгэрчилсэн дүрэм боловсруулах
- Эрх зүйн баримт бичигт хэлэлцүүлэг зохион байгуулж, санал зөвлөмж боловсруулах
- Их сургуулийн багшийн мэргэжлийн тасралтгүй хөгжлийг хангах, сайн туршлагыг түгээн дэлгэрүүлэх, хүний нөөцийг чадавхжуулах, нийгмийн баталгааг хангах
- Их сургуулийн багшийн хөгжлийн нэгдсэн хөтөлбөр хэрэгжүүлэх
- Төрийн өмчит 6 их сургуулийн багш, ажилчдын эрүүл мэндийн үзлэгийн багц гаргаж, урьдчилан сэргийлэх үзлэгийг АШУҮИС-ийн эмнэлэгүүдийг түшиглэн зохион байгуулж хэвших
- Элсэлтийн болон сургалтын чанарыг дээшлүүлэх
- Ахисан түвшний суралцагч 2021 оны 9 сарын 1 нээс , бакалаврын түвшний оюутнууд 2021-2022 оны хичээлийн жилийн хаврын улиралд хамтран ажиллаж буй төрийн өмчийн 6 их сургуулиас харьяалал харгалзахгүй хичээл сонгон суралцах, боловсролын үйлчилгээ авах боломжийг нээж өгөх
- 6 их сургууль Англи хэл дээр ахисан түвшний хамтарсан сургалтын хөтөлбөр хэрэгжүүлэх
- Хамтарсан их сургуулиудын багш, оюутнуудад харьяалал харгалзахгүйгээр номын сангаас үйлчилгээ авах боломж бүрдүүлэх
- Судалгааны чадавх болон үр дүнг дээшлүүлж, нэмэгдүүлэхэд хамтран ажиллах
- Судалгааны ажлын дундын нэгдсэн сантай болох зэрэг үндсэн 7 чиглэл, 24 заалт бүхий хамтарсан тушаалд Төрийн өмчит 6 их сургуулийн захирлууд гарын үсэг зуралцлаа.
Монгол Улсын төрийн өмчит их сургуулиудын 2021 оны 2 дугаар сарын 26-ны өдөр байгуулсан хамтын ажиллагааны санамж бичгийн хүрээнд хийгдэх ажлын талаар МУИС-ийн захирал Б.Очирхуягтай ярилцсан ярилцлагыг ЭНД дарж уншина уу.
