МУИС-ийн эрдэмтэн, судлаачдын бүтээл туурвих, шинийг санаачлах үйл ажиллагааг дэмжиж, инновацийн соёлыг төлөвшүүлэх, олон нийтэд сурталчлан таниулах зорилгоор “МУИС-ийн Шилдэг оюуны өмч бүтээгч”-ийн шалгаруулалтыг жил бүр зохион байгуулдаг ба МУИС-ийн захирлын А/168 дугаар тушаалын дагуу “МУИС-ийн Шилдэг оюуны өмч бүтээгч”-ийн шагналыг өнөөдөр гардуулан өглөө.
Арга хэмжээг нээж МУИС-ийн захирал Б.Очирхуяг хэлсэн үгэндээ “МУИС-ийн багш, судлаачдын бүтээж буй оюуны өмчийн тоо жил бүр өсч, гарааны компани байгуулах, лицензийн гэрээ байгуулах зэргээр тэдгээрийг эдийн засгийн эргэлтэд оруулах боломж нэмэгдэж байна. Мөн их сургуулийн зүгээс инновацийн үйл ажиллагааг бодлогоор дэмжихийн зэрэгцээ мэдлэг шингэсэн шинэ технологийг үйлдвэрлэлд нэвтрүүлэхэд багш, судлаачид идэвхи санаачлагатай ажиллаж байгаад баяртай байна гээд “МУИС-ийн Шилдэг оюуны өмч бүтээгч”-ээр шалгарсан нийт судлаачдад баяр хүргэж амжилт хүслээ”.
“МУИС-ийн Шилдэг оюуны өмч бүтээгч” шалгаруулалтад шалгарсан судлаачид
| № | Зохиогч | Шинэ бүтээлийн нэр |
| 1 | Проф.Б.Очирхуяг, ХШУИС, ХБИТ
Дэд проф. Д.Хасбаатар, ХШУИС, ХБИТ |
Катодын зэснээс микро хэмжээст нунтаг зэс гарган авах арга |
| 2 | Проф. А.Энхбаяр, ХШУИС, ХМТ
Дэд проф. Х.Оюундолгор, ХШУИС, МКУТ |
Виртуал симуляторын цогц систем |
| 3 | Проф.Ж.Батхүү, ХШУИС, ХБИТ
Дэд проф.Б.Даваапүрэв, ХШУИС, ХБИТ Магистрант Г.Намуунаа, ХШУИС, ХБИТ
|
Цомцогт бэр цэцэг (Scabiosa comosa Fisch.) ургамлын хандыг ашигласан бактерийн антибиотикт тэсвэрлэх чадварыг бууруулах идэвхтэй ам зайлагч бүтээгдэхүүн |
| 4 | Дэд проф. А.Амарбаяр, ХШУИС, ЭХИТ | Нарны фотоцахилгаан үүсгүүрт хөргөгчийн систем |
| 5 | Проф.Ш.Наранмандах, ШУС, ХТ | Бактерийн эсрэг үйлдэлтэй гелин түрхлэг |
| 6 | Проф.Ш.Наранмандах, ШУС, ХТ
Магистр Т.Солонгоо, ШУС, ХТ |
Шийтаке мөөг тариалах арга |
| 7 | Дэд проф. Д. Улам-Оргих, ШУС, ФТ Дэд проф. Д. Эрдэнэбаатар, ШУС, ФТ
Др.Т.Төртогтох, ШУС, ФТ Магистрант М.Алтансүх, ШУС, ФТ |
Зөөврийн студи бүхий гэрэлт самбар |
| 8 | Дэд проф. Д.Лхагвасүрэн; ШУС, БУС
Магистрант Б.Билгүүн; Т.Халиунаа; Г.Сондор; О.Номуун; А.Биндэрьяа |
Цаасыг дахин боловсруулахдаа ургамлын үрээр баяжуулах арга |
ИННОВАЦИ, ТЕХНОЛОГИ ДАМЖУУЛАХ ТӨВ
