МУИС-ийн төгсөх түвшний суралцагчдад зориулан Монголын топ 53 аж ахуй нэгж байгууллагуудын танилцуулга, цагийн болон урт хугацааны ажлын байранд зуучлах зорилготой “JOB FAIR-2022” ажлын байрны өдөрлөг арга хэмжээг зохион байгуулахаас гадна ажлын анкет, ярилцлага өгөхөд дэмжлэг үзүүлэх зөвлөгөө, бэлтгэгдэх сургалтыг амжилттай зохион байгуулж өндөрлөлөө.
Тус сургалт нь төгсөх түвшний суралцагчдад зориулагдсан бөгөөд
- Ажлын анкет, cv бичих зөвлөгөө, анхаарах зүйлс;
- Ажлын ярилцлагад орохдоо бие, сэтгэл зүйн байдлаа бэлтгэх, анхаарах зүйлс;
- Хөдөлмөрийн зах зээлийн өнөөгийн нөхцөл байдал;
- Ажилд ороход шаардагдах зөөлөн ур чадварууд, түүнд өөрийгөө бэлтгэх зэрэг агуулгаар амжилттай зохион байгуулагдсан.
Ажлын байрны үзэсгэлэнд Монголын топ 53 аж ахуй нэгж хамрагдсан бөгөөд 2000 гаруй ажлын байрны анкет бүртгэгдэж, 350 гаруй оюутан цагийн ажилд зуучлагдсан байна.
Ажлын байрны өдөрлөгт хамтран ажилласан “Франкофон хамтын ажиллагааны төв” болон оролцогч байгууллагууд болох Монголын топ 53 аж ахуйн нэгжүүддээ баярлалаа.
ОЮУТАН, ТӨГСӨГЧИЙН ХЭЛТЭС
