БНСУ-ын Кёнпүк Үндэсний их сургуулийн 2022-2023 оны хичээлийн жилийн намрын улирлын тэтгэлэгт оюутан солилцооны хөтөлбөрт хамрагдахыг урьж байна
Шаардлага:
- МУИС-ийн бакалаврын түвшний идэвхтэй суралцаж буй оюутан байх (төгсөх болзол хангаагүй байх).
- Хамгийн багадаа 2 улирал амжилттай суралцсан байх
- Голч дүн 3.2 болон түүнээс дээш байх
- Хэлний түвшин: Англи/Солонгос хэлний дунд ба дундаас дээш мэдлэгтэй байх
- Солонгост суралцаж байх хугацаанд Солонгос хэл, судлалын 1 хичээл заавал судлах
- Бусад ямар нэгэн тэтгэлэгт шалгараагүй байх
- Гадаадын (2 иргэншилтэй) иргэншилгүй байх
Бүрдүүлэх материалууд /бүх материалууд англи эсвэл солонгос хэл дээр байна:
- Сургуулийн тодорхойлолт /англи хэл дээр, ТҮЦ машинаас авсан байх/
- Албан ёсны дүнгийн хуулбар /англи хэл дээр ТҮЦ машинаас авсан байх/
- Тодорхойлох захидал. Сургуулийн албан бланк дээр бичсэн, багшийн гарын үсэг, тамгатай байх загварыг татах
- Өөрийн танилцуулга, ирээдүйн зорилго, суралцах төлөвлөгөө бүхий эсээ 1-2 хуудас, англи эсвэл солонгос хэл дээр шивсэн байх татах
- Англи эсвэл Солонгос хэлний дундаас дээш онооны батламж, сертификат (байгаа бол давуу тал болно)
- Гадаад паспортын хуулбар (хүчинтэй хугацаа нь 1 жилээс дээш байх)
- Суралцаж байх хугацаанд гаргасан амжилтыг батлах батламж, гэрчилгээ (тэтгэлэг авсан, сайн дурын ажил хийсэн г.м)
Суралцах хугацаа: 1-2 улирал
Тэтгэлэгт хамрагдах зардал:
- Сургалтын төлбөр 5,000,000 вон
- Амьжиргааны зардал 500,000 вон
- Эхний удаад олгогдох 200,000 вон
- Эрүүл мэндийн даатгал
Өргөдөл хүлээн авах эцсийн хугацаа: 2022 оны 05 дугаар сарын 10-ны 15:00 цаг хүртэл. Бүрдүүлсэн материалуудаа нэг багц ZIP файл (файлын хэмжээ 5Mb хэтрэхгүй, тод байх) болгон studentaffairs@num.edu.mn хаягаар илгээнэ үү.
Дутуу болон алдаатай бичиг баримт хүлээн авахгүй ба өргөдөл авах хугацааг сунгахгүй тул тодруулах зүйл байвал studentaffairs@num.edu.mn хаягаар урьдчилан холбогдож асууна уу. Бичиг баримтын эх хувийг МУИС-ийн хичээлийн 2-р байрны 109 тоотод хүлээлгэн өгч баталгаажуулна.
ОЮУТАН, ТӨГСӨГЧИЙН ХЭЛТЭС
