“Ази судлал” (ICAS2022) Олон Улсын Эрдэм шинжилгээний VIII хурлыг ШУТИС-ийн ГХС-ийн Ази судлалын салбар, МУИС-ийн ШУС-ийн ХУС-ын Ази судлалын тэнхим, МУБИС-ийн НХУС-ийн Дорно дахины хэл, аргазүйн тэнхим хамтран 2022 оны 04 дүгээр сарын 29-ний Баасан гарагт цахимаар зохион байгууллаа.
2015 оноос зохион байгуулж буй тус хуралд энэ жил Монгол Улс, ОХУ, БНХАУ, БНСУ, Япон Улс, Тува, БНТУ, БНКУ гэсэн 8 улсын эрдэмтэн судлаачид 80 гаруй илтгэл ирүүлснээс Хэл шинжлэл, Түүх угсаатан, Олон улс судлал, Боловсрол судлал-заах арга зүйн салбар хуралдаанаар нийт 50 гаруй илтгэлийг амжилттай хэлэлцүүлэв.
2021 онд Монгол дахь Ази судлалын хамрах хүрээг өргөжүүлэх, судлаач, эрдэмтэн багш нарын бүтээлийг илүү хүртээмжтэй болгох, чанарыг сайжруулах, гадаад хамтын ажиллагааг өндөр түвшинд хүргэх зорилгоор Ази судлалын “Цахим индэр” (sas.num.edu.mn/asian-studies)-ийг албан ёсоор нээж байсан бол мөн зорилгын хүрээнд англи хэлээрх “Asian Studies in Mongolia” (journal.num.edu.mn/asianstudies) эрдэм шинжилгээний бичгийн анхны дугаарыг цахим хэлбэрээр уншигчдын гарт хүргэлээ.
