МУИС-д зочлон ирсэн, Герман Улсын Падэрборн Их Сургуулийн судлаач Эмрэ Асэр, 4 дүгээр сарын 30-нд “СЭХ-ийг фазийн шилжилттэй дулааны нөөцлүүртэй хослуулан ашиглах боломжийн тухай/Power-to-Heat with Latent-Heat-Storage: Opportunities and possibilities for Mongolia” сэдэвт лекц уншиж, хэлэлцүүлэгийг амжилттай өрнүүллээ. +60 орчим градуст хатуу төлвөөс шингэрч, фазийн шилжилт хийдэг парафинтай элементийг Нарны коллекторын усны нөөцлүүр танканд хийж, нөөцлөх дулаан багтаамжийг нэмэгдүүлдэг дэвшилтэд технологийн туршилт судалгааны төслийн ажлыг Монголд анх удаагаа эхлүүлж байна.
Тус төсөл нь Герман-Монгол талын ИДС, ЭШБ, Хувийн ААН байгууллага зэрэг олон талт оролцогчид хамтран Монгол Улсад СЭХ-ний дэвшилтэт технологийг туршин хөгжүүлж, таниулан нутагшуулах зорилготой юм.
