МУИС-ийн багш, судлаачдын судалгааны үр дүн, оюуны өмчийг эдийн засгийн эргэлтэд оруулах, салбар хоорондын хамтын ажиллагааг өргөжүүлэх, гарааны компани байгуулахад дэмжлэг үзүүлэх зорилго бүхий “Багш, оюутны стартап 2022” хөтөлбөрт оролцогчдод зориулсан ээлжит сургалтыг 2022.06.09-ний өдөр зохион байгууллаа.
Энэ удаагийн сургалтын зочин илтгэгчэээр Сократус студио ХХК-ийн ментор, “Melearn” үндсэн багш Б.Ням “Зах зээлд нэвтрэх стратеги, маркетингийн төлөвлөгөө боловсруулах нь” сэдвээр сургалт хийж “Багш, оюутны стартап 2022” хөтөлбөрт оролцогч багш оюутнуудтай хэлэлцүүлэг өрнүүллээ.
“Багш, оюутны стартап 2022” хөтөлбөрт биотехнологи, хүрээлэн буй орчин, экологи, социологи, электроник, сэргээгдэх эрчим хүч, аялал жуулчлал зэрэг салбарт шинэ технологи боловсруулах, судалгаа хөгжүүлэлт хийх, гарааны компани байгуулах зорилго бүхий 10 багийн 50 гаруй багш, оюутан оролцож байна. Тус хөтөлбөрийн сургалт, менторын үйл ажиллагаа 2022 оны 09 дүгээр сарыг дуустал үргэлжлэх ба 10 дугаар сард хөтөлбөрт хамрагдсан төслийн багийн дунд шалгаруулалт хийж, шалгарсан багт төсөл хэрэгжүүлэх гарааны тэтгэлэг олгох болно.
Инноваци, технологи дамжуулах төв
77307730-1141, tto@num.edu.mn
