МУИС-ийн Ахмад багш, ажилтны нэгдсэн холбоо, Соён гэгээрүүлэгч телевизтэй хамтран “МУИС-ийн лекцийн алтан сан 2021, 2022” төслийг МУИС-ийн 80 жилийн ойн босгон дээр амжилттай хэрэгжүүллээ. Өнөөдөр /2022.06.13/ Соён гэгээрүүлэгч телевизийн хамт олон МУИС-ийн захирал, доктор Б.Очирхуяг болон МУИС-ийн Ахмад багш, ажилтны нэгдсэн холбоо, лекц уншсан эрдэмтэн профессоруудад лекцийг DVD хэлбэрт шилжүүлэн хүлээлгэн өгсөн юм.
“МУИС-ийн лекцийн алтан сан 2021, 2022” төслөөр МУИС-ийн ахмад 30 эрдэмтэн профессорын лекцийг алтан санд хадгалан үлдээж буй бөгөөд цаашид энэхүү төслийг үргэлжүүлэхийг МУИС-ийн захирал, доктор Б.Очирхуяг болон Соён гэгээрүүлэгч телевизийн захирал Ш.Хишигсүрэн нар үйл ажиллаганы үеэр онцлон тэмдэглэж байлаа.
