БНСУ-ын Кореа их сургуулийн санаачлагаар “3 дахь туйл” олон улсын хөтөлбөр Монгол, Бутан, Непаль, Киргизстан, Казакстан, Өмнөд Солонгос, Узбекстан улсуудад хэрэгжиж эхэллээ. Уг хөтөлбөр нь хойд ба өмнөд туйлаас гадна цас, мөс ихээр хуримтлагдсан өндөр уулархаг мужийн (3 дахь туйл) улс орнуудыг нэгтгэсэн, дэлхийн хэмжээний, судалгаанд суурилсан нийгмийн хөгжлийг дэмжих бөгөөд Монгол Улсаас Монгол Улсын Их Сургууль, Ховд их сургууль нэгдлээ. Уг хөтөлбөрийн хүрээнд хамгийн эхэнд хэрэгжиж буй төсөл нь “Уулархаг нутгийн малчдын амжиргааны эмзэг байдлын үнэлгээ” юм.
