Акита олон улсын их сургуулийн 2023 оны оюутан солилцооны хөтөлбөр зарлагдлаа

МУИС болон Япон Улсын Акита Олон Улсын Их Сургуулийн хооронд байгуулсан хамтын ажиллагааны гэрээний хүрээнд оюутан та бүхнийг 2023 оны хичээлийн жилийн хаврын улиралд тус сургуулийн оюутан солилцооны хөтөлбөрт хамрагдахыг урьж байна.

Шаардлага:

1. МУИС-ийн бакалаврын хөтөлбөрт 2-оос дээш улирал идэвхтэй суралцаж байгаа 2-4 түвшний суралцагчид
2. Голч оноо 2,5 буюу түүнээс дээш байх
3. Англи, хэлний дундаас дээш түвшний мэдлэгтэй байх /батламж хавсаргах/

Бүрдүүлэх материал /бүх материал англи хэл дээр байна/:

1. CV (тодорхойлсон загвар байхгүй)
2. Сургуулийн тодорхойлолт
3.  Албан ёсны дүнгийн хуулбар
4. Тодорхойлох захиа татах
5. Хэлний батламж: TOEFL iBT -71; TOEFL PBT/ITP-530; IELTS-6.0; TOEIC-785;
6. Цээж зураг 2 хувь /3*4/
7. Паспортын хуулбар
8. Санхүүгийн баталгаа /банкны албан ёсны хуулга/албан бичиг, англи хэл дээр байх/ нэг улирал суралцах бол 600,000 йен, 2 улирал суралцах бол 1,000,000 йен баталгаа гаргана/

Тэтгэлэг: Сургалтын төлбөрөөс чөлөөлнө. Байр болон бусад зардлыг оюутан өөрөө хариуцна.

Хамрагдах оюутны тоо: 2 оюутан

Хүсэлт хүлээн авах эцсийн хугацаа:  2022 оны 09 дүгээр сарын 29-ний өдрийн 16:00 цаг.

Хүсэлт гаргагч нь өөрийн бүрдүүлсэн материалыг МУИС-ийн хичээлийн II байрны 109 тоот Оюутан, төгсөгчийн хэлтэст өөрийн биеэр авчирч өгөх ба өөрийн материалыг нэг багц PDF файл болгон studentaffairs@num.edu.mn хаягаар илгээнэ.

Оюутан, төгсөгчийн хэлтэс нь шаардлага хангасан оюутныг нэр дэвшүүлж Акита их сургуулийн оюутан солилцооны хөтөлбөрт илгээнэ. Тэнцсэн оюутан онлайн өргөдөл, бусад нэмэлт баримтыг Акита их сургуулиас шаардсаны дагуу дахин бүрдүүлэн илгээхийг анхаарна уу.

Дэлгэрэнгүй мэдээллийг дараах холбоосоос үзнэ үү:

• Semester / Year Programs | Akita International University (aiu.ac.jp)
• Eligibility | Akita International University (aiu.ac.jp)
• Costs | Akita International University (aiu.ac.jp)

ОЮУТАН, ТӨГСӨГЧИЙН ХЭЛТЭС