Япон Улсын Ёкохама Үндэсний их сургуулийн 2023 оны хаврын улирлын оюутан солилцооны хөтөлбөрт бүртгүүлээрэй

JOY – Junior year Overseas at Yokohama National University

МУИС болон Япон улсын Ёкохама Үндэсний их сургуулийн хамтын ажиллагааны гэрээний хүрээнд 2023 оны хаврын улирлын оюутан солилцооны хөтөлбөр зарлаж байна.

Шаардлага:

1. МУИС-ийн бакалаврын 1-4 түвшний (хамгийн багадаа 1 улирал амжилттай суралцсан, төгсөх болзол хангаагүй) идэвхтэй суралцаж буй суралцагч байх
2. Голч оноо 2,5 буюу түүнээс дээш
3. Хэлний шаардлага:

4. Япон эсвэл англи хэлний дунд ба дундаас дээш түвшний мэдлэгтэй байх. Үүнд: TOEFL IBT 80, IELTS 6.0, JLPT – N2

*хэлний онооны батламжийг хавсаргах. TOEFL, IELTS-  н батламж байхгүй бол өөр Англи хэлний шалгалтын батламж, англи хэлний багшийн тодорхойлолтын хамтаар байж болно.

 Бүрдүүлэх материал /бүх материал англи хэл дээр байх/:

1-7 хүртэлх материалын маягтыг татах. Заавартай сайтар танилцсаны дараа бөглөөрэй.

1. Хувийн мэдээлэл бүхий маягтыг бөглөх
2. Холбоо барих мэдээлэл бүхий маягтыг бөглөх /цээж зургийн хамт (4*3 хэмжээтэй)/
3. Хичээл, хөтөлбөртэй холбоотой мэдээлэл бүхий маягтыг бөглөх
4. Япон хэлний багшийн тодорхойлох захидал /хэрэв МУИС-д япон хэл судлаж байсан бол бөглөх/
5. JASSO тэтгэлэгт хамрагдах хүсэлтэй бол бөглөх
6. Academic proposal /суралцах төлөвлөгөө бүхий эсээ, шивсэн байна/
7. Суралцагчийн гэрээ /уншиж танилцан гарын үсэг зурах/
8. Сургуулийн тодорхойлолт /англи хэл дээр, ТҮЦ машинаас авсан байх/
9. Албан ёсны дүнгийн хуулбар /англи хэл дээр, ТҮЦ машинаас авсан байх/
10. Санхүүгийн баталгаа:

• 1 улиралд ойролцоогоор 600,000 йен байх
• Банкнаас тодорхойлолт авах (өөрийн эсвэл батлан даагчын дансны мэдээлэл)

11. Гадаад пасспортын хуулбар
12. Хэлний батламж

Хөтөлбөрийн жагсаалт:

• Нийт хөтөлбөрийн жагсаалт (JOY хөтөлбөрийг сонгож харах): 横浜国立大学シラバス (ynu.ac.jp)

Ёкохама Үндэсний их сургуулийн оюутан солилцоо хөтөлбөрийн талаарх дэлгэрэнгүй мэдээллийг дараах линкээр холбогдон авна уу:

JOY Program | Programs | About the International Student Center | International Student Center / Yokohama National University (ynu.ac.jp)

Хамрагдах оюутны тоо: 1 оюутан

Тэнцсэн оюутны материал бүрдүүлэх хугацаа: 2022 оны 10 дугаар сарын 07-ний өдрийн 15:00 цаг хүртэл

Оюутан, төгсөгчийн хэлтэс нь шаардлага хангасан оюутныг нэр дэвшүүлж Ёкохама Үндэсний их сургуулийн оюутан солилцооны хөтөлбөрт илгээнэ. Ёкохама Үндэсний их сургууль нь дараагийн шатны сонгон шалгаруулалт хийж хариуг мэдэгдэнэ. Тэнцсэн оюутан онлайн өргөдөл, бусад нэмэлт баримтыг их сургуулиас шаардсаны дагуу дахин бүрдүүлэн илгээхийг анхаарна уу.

Бүрдүүлсэн материалыг МУИС-ийн хичээлийн II байрны 109 тоот Оюутан, төгсөгчийн хэлтэст өөрийн биеэр авчирч өгнө. Бүрдүүлсэн материалыг мөн нэг багц PDF файл болгон studentaffairs@num.edu.mn хаягаар илгээнэ.

ОЮУТАН, ТӨГСӨГЧИЙН ХЭЛТЭС