Монгол Улсын Ерөнхийлөгч У.Хүрэлсүхийн санаачилсан “Тэрбум мод” үндэсний хөдөлгөөнд Монгол Улсын Их Сургуулийн хамт олон идэвх санаачилгатай оролцож, байгаль дэлхийг хайрлан хамгаалах, усны нөөцийг хамгаалж, нэмэгдүүлэх, экологийн тэнцвэрт байдлыг хангахад бодит хувь нэмэр оруулахаар мод тарьж ургуулах үйлсэд нэгдлээ.
“Тэрбум мод” үндэсний хөдөлгөөнд бүрэлдэхүүн сургуулиуд, ахмад багш ажилтаны нэгдсэн холбоо, газар нэгжүүд хамрагдаж эхлээд байна.
ХАНГАМЖ,ҮЙЛЧИЛГЭЭНИЙ ГАЗАР
2022 оны 5 дугаар сарын 13-ны өдөр Чингэлтэй хайрхан ууланд МУИС-ийн Батсүмбэр дэх сургалт судалгааны төвөөс 4-5 настай 100 ширхэг шинэс модны үрсэлгээг хүргүүлэн МУИС-ийн профессор Н.Баатарбилэг, Хүрээлэн буй орчин, ойн инженерчлэлийн тэнхимийн дэд профессор С.Гэрэлбаатар нарын заавар зөвлөмжийн дагуу 1 га талбайд тарьж усалгааг хийсэн.
АХМАД БАГШ АЖИЛТНЫ НЭГДСЭН ХОЛБОО
МУИС-ийн Ахмад багш ажилтны нэгдсэн холбоо нь 2022 оны 05 дугаар сарын 14-ны өдөр МУИС-ийн харъяа Байгаль Эх Лицей Ахлах Сургуулийн Экологийн Боловсролын төвийн хашаанд 16 ширхэг шинэс, 100 ширхэг хайлаас, нийт 108 ширхэг мод тарьлаа.
БИЗНЕСИЙН СУРГУУЛЬ
МУИС-ийн Бизнесийн сургуулийн хамт олон говь нутагт мод тарьж, цөлжилтийг зогсооход хувь нэмрээ оруулахаар 2022 оны 5 дугаар сарын 13-ны өдөр Дундговь аймгийн Дэлгэрцогт сумын нутагт 80 ширхэг хайлаас модны суулгац тарилаа.
ХЭРЭГЛЭЭНИЙ ШИНЖЛЭХ УХААН ИНЖЕНЕРЧЛЭЛИЙН СУРГУУЛЬ
МУИС-ийн ХБООИТэнхимйин “Төгсөгчдийн төгөл” байгуулан “Тэрбум мод” үндэсний хөдөлгөөнд нэгдлээ. Өвөрзайсан сургалт судалгааны төвд нийт 40 ширхэг Монос, 20 ширхэг Үхрийн нүд, 20 ширхэг Голт бор тарьлаа.
МУИС-ОРХОН
МУИС-Орхон салбар сургууль мод тарих үйл ажиллагааг дэмжих сургалтыг МУИС-ийн ХШУИС-ийн Хүрээлэн буй орчин, Ойн инженерчлэлийн тэнхимийн багш нартай хамтран 5 дугаар сарын 10-12-ны өдрүүдэд Эрдэнэт хотод зохион байгуулж 15 ширхэг Шинэс, 10 ширхэг Монос тарьлаа.
Баянгол цэцэрлэгт хүрээлэн
2022 оны 5 дугаар сарын 16-ны өдөр Баянгол цэцэрлэгт хүрээлэнд Хангамж үйлчилгээний газрын ажилчид 100 ширхэг хайлаас тарьсан.
2022 оны 6 дугаар сарын байдлаар МУИС нийт 8 төрлийн 3511 ширхэг модыг шинээр тарьж ургуулсан байна.
