МУИС болон Япон Улсын Васеда их сургуулийн хооронд байгуулсан оюутан солилцооны гэрээний дагуу 2023 оны хаврын улирлын оюутан солилцооны хөтөлбөрийг зарлаж байна.
Шаардлага:
- МУИС-ийн бакалаврын 1-3 дугаар түвшний (хамгийн багадаа 1 улирал амжилттай суралцсан байх) болон ахисан түвшний төгсөх болзол хангаагүй, идэвхтэй суралцаж буй оюутан байх
- Магистр, докторын суралцагчид 16 жилээс доошгүй суралцсан байх
- Голч оноо бүх түвшинд 3,0 дээш байна.
- Англи, япон хэлний дундаас дээш түвшний мэдлэгтэй байх
Бүрдүүлэх материал:
- Сургуулийн тодорхойлолт англи хэл дээр (ТҮЦ машинаас авсан байх эсвэл тамга даруулсан байна)
- Албан ёсны дүнгийн хуулбар англи хэл дээр (ТҮЦ машинаас авсан байх эсвэл тамга даруулсан байна. Магистр, докторын суралцагчид бакалаврын дипломны дүнгийн жагсаалтыг мөн хавсаргах)
- Англи хэл дээр тодорхойлох захидал – 1ш. Харьяа тэнхим, удирдагч багшийн тодорхойлолт байх. Тодорхойлолт гаргагчийн албан ёсны хаяг, гарын үсэг, тамгатай байх. татах
- Сургалтын төлөвлөгөө Англи эсвэл Япон хэл дээр шивсэн байна. (Васеда их сургуульд ямар хөтөлбөр/хичээл судлах хүсэлтэй байгааг тусгах) татах
- Англи хэлний TOEFL, IELTS эсвэл япон хэлний JLPT онооны батламжийг хавсаргах. Хөтөлбөр бүрт шаардагдах хэлний оноо өөр тул дараах линкээр орж шаардахдах онооны хүснэгттэй танилцана уу https://www.waseda.jp/inst/cie/en/exchange/application
- Гадаад пасспортын хуулбар (хүчинтэй хугацаа 6 сараас дээш байна)
- 6 сараас хэтрээгүй цээж зургийг зааврын дагуу наан эх хувиар болон файлаар илгээх. Microsoft Word – 200109Updated_IDPhoto Sheet .docx (waseda.jp)
- Санхүүгийн баталгаа
- 2 улирал суралцах бол 1,440,000 йен
- 1 улирал суралцах бол 720,000 йенийн баталгаа гаргана
- Хэрэв санхүүгийн баталгааг өргөдөл гаргагчаас өөр хүн /эцэг эх/ гаргах бол дараах баталгаанд гарын үсэг зуран баталгаажуулна 2022_written_oath.docx (live.com)
- Суралцагчийн гэрээг эцэг эх, асран халамжлагчаар бөглүүлэх Microsoft Word – 190110Updated_Study Abroad Agreement.doc (waseda.jp)
Хүсэлт гаргагчид бүрдүүлэх материалыг бүгдийг нь 1 PDF file болгоод 1 ZIP file болгон studentaffairs@num.edu.mn хаяг руу илгээнэ. Материал явуулахдаа өөрийн утасны дугаар болон хэдэн улирал суралцах хүсэлтэй (1-2 улирал) байгааг бичсэн байна. Зөвхөн зааврын дагуу бүрдүүлсэн ZIP авахыг анхаарна уу.
Сургалтын төлбөр, зардал: Элсэлтийн хураамж болон сургалтын төлбөрөөс чөлөөлнө. Дотуур байр, тусгаарлалтын төлбөр, эрүүл мэндийн даатгал болон бусад зардлыг өөрөө хариуцна.
Дотуур байрны тухай мэдээллийг дараах холбоосоос үзнэ үү. https://waseda.box.com/s/9jexq2owkplqdtvsf9m6gdbbvclg1gsz
Хүсэлт хүлээн авах эцсийн хугацаа: 2022 оны 11 дугаар сарын 15-ны өдрийн 15.00 цаг хүртэл. Хүсэлт гаргагч нь өөрийн бүрдүүлсэн материалыг studentaffairs@num.edu.mn хаягаар илгээж, МУИС-ийн хичээлийн II байр 109 тоот Оюутан, төгсөгчийн хэлтэст өөрийн биеэр авчирч өгнө. Дутуу болон алдаатай бичиг баримт хүлээн авахгүйг анхаарна уу. Хүсэлт хүлээн авах хугацааг сунгахгүй тул тодруулах асуултыг studentaffairs@num.edu.mn хаягаар холбогдон асууна уу.
Оюутан, төгсөгчийн хэлтэс нь шаардлага хангасан суралцагчийн материалыг Васеда Их Сургуульд илгээнэ. Васеда их сургууль нь сонгон шалгаруулалт хийнэ. Тэнцсэн оюутан онлайн өргөдөл, бусад нэмэлт баримтыг дахин бүрдүүлэн онлайнаар илгээхийг анхаарна уу.
ОЮУТАН, ТӨГСӨГЧИЙН ХЭЛТЭС
