Европын холбооны санхүүжилттэй Эрасмус плас (Erasmus+) төслийн хүрээнд Турк улсын Хажеттепе их сургуульд оюутан солилцооны хөтөлбөрийн сонгон шалгаруулалтад урьж байна.
Хөтөлбөрт хүсэлт гаргагч нь МУИС-ийн түрэг судлалын чиглэлээр суралцагч байх ёстой бөгөөд МУИС-ийн Хамтын ажиллагааны хэлтсээр (Erasmus Code: Ulaanbaatar) дамжуулан хөтөлбөрт хамрагдах хүсэлт гаргана.
Хөтөлбөрийн хугацаа, хамрагдах хүний тоо:
- Оюутан солилцоо: 1 хичэээлийн улирал буюу 5 сар (1 оюутан)
Тэтгэлгийн хэмжээ: Замын зардал 820 евро болон сарын 800 еврогийн тэтгэлэг олгоно.
Тавигдах шаардлага:
- Түрэг судлал мэргэжлээр идэвхтэй суралцаж буй бакалавр, магистр, докторын аль нэг хөтөлбөрийн оюутан байх
- Турк хэлний дундаас дээш түвшний мэдлэгтэй байх
- Бакалаврын оюутан МУИС-д 2-оос дээш улирал 2.5-аас дээш голд дүнтэй, ахисан түвшний оюутан 1 болон түүнээс дээш улирал 2.5-аас дээш голч дүнтэй суралцсан байх
- Хажеттепе их сургуульд 2023 оны 2 дугаар сарын 13-наас 6 дугаар сарын 27-ны хооронд очиж суралцах боломжтой байх
Бүрдүүлэх материал: Дараах материалуудыг англи хэл дээр бүрдүүлнэ.
- Суралцах захидал буюу Motivation letter
- Товч танилцуулга/ CV
- Оюутны тодорхойлолт
- Дүнгийн албан ёсны тодорхойлолт
- Хэлний мэдлэгийг тодорхойлох батламж
- Паспортын хуулбар
Хүсэлт хүлээн авах эцсийн хугацаа: 2022 оны 11 дүгээр сарын 28-ны өдрийг дуустал
Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн partners@num.edu.mn цахим хаягаар явуулна. Хугацаа хоцорсон материал хүлээн авахгүй.
Сонгон шалгаруулалт дараах журмаар явагдана:
- Сонгон шалгаруулалтыг МУИС болон Хажеттепе их сургууль 2 үе шаттайгаар хамтран зохион байгуулна.
- МУИС өргөдөл мэдүүлэгчийн бичиг баримтын бүрдэлт болон тэтгэлэгийн шаардлагад нийцсэн талаар үнэлгээ өгнө.
- Хүлээн авагч сургууль хөтөлбөрт нэр дэвшигчдийн өргөдөлд эцсийн шийдвэр гаргана.
- Өргөдөл мэдүүлэгчид тэнцсэн, тэнцээгүй талаар хариу хүргүүлнэ.
- Тэнцсэн өргөдөл мэдүүлэгч солилцооны тэтгэлэгийн гэрээнд гарын үсэг зурна.
Хөтөлбөртэй холбоотой асуудлаар Хамтын ажиллагааны хэлтсийн partners@num.edu.mn хаягаар эсвэл (1142) утсаар холбогдон хандана уу.
Дэлгэрэнгүй мэдээллийг дараах холбоосоор нэвтэрч үзнэ үү: http://www.abofisi.hacettepe.edu.tr/en/ka_107_study_at_abroad_incoming_students-88
ХАМТЫН АЖИЛЛАГААНЫ ХЭЛТЭС
