Монгол Улсын Их Сургууль, М-Си–Эс Групп хооронд талууд судалгаа, сургалт, нийгмийн сайн сайханд зориулсан олон талт хамтын ажиллагаагаа өргөжүүлэх хүрээнд санамж бичиг зурлаа.
Санамж бичиг байгуулах үйл ажиллагаанд МУИС-ийн талаас, Сургалт, эрдэм шинжилгээ эрхэлсэн захирал Б.Очирхуяг, Хамтын ажиллагааны хэлтсийн дарга Д.Бадамдаш, Маркетингийн тэнхимийн эрхлэгч Б.Даваасүрэн, Менежментийн тэнхимийн эрхлэгч Д.Энх-Отгон, Санхүүгийн тэнхимийн эрхлэгч Б.Энх-Амгалан, Инновац, технологи дамжуулах төвийн эрхлэгч Д.Лхагвасүрэн, Хамтын ажиллагааны хэлтсийн мэргэжилтэн Б.Ганбат, М-Си–Эс Группийн талаас, MCS Holding ХХК, Хүний нөөцийн захирал Б.Мишээл, M Stars Hub, Гүйцэтгэх захирал Ч.Даваажамц, M Bank, Гүйцэтгэх захирал М.Соронзонболд, M Bank, Хүний нөөцийн захирал С.Янжмаа, MCS Coca Cola ХХК, Хүний нөөцийн албаны дарга Д.Эрдэнэбаяр, Anungoo ХХК, Борлуулалтын албаны дарга М.Мөнх-Амгалан, Anungoo ХХК, Хүний нөөцийн албаны дарга П.Лхагвадулам, MCS Holding ХХК, Хүний нөөцийн ажилтан Б.Орхон нарын төлөөлөл оролцов.
Санамж бичгийн хүрээнд талуудын хөгжил дэвшилд шаардлагатай хамтарсан судалгаа шинжилгээний ажил хийх, төсөл, хөтөлбөр хэрэгжүүлэх, шинэ технологи, инновацийн хамтын ажиллагаа, түншлэлийг өргөжүүлэх, үндэсний болон олон улсын эрдэм шинжилгээний хурал зохион байгуулах, М-Си-Эс-ийн хэмжээнд шаардлагатай мэргэжлийн чиглэлээр суралцаж буй МУИС-ийн оюутнуудыг мэргэжлийн дадлага хийлгэх, цалинтай ажиллуулах, тэтгэлэгтэй судалгаанд хамруулах, нэн шаардлагатай байгаа нарийн мэргэжлийн болон олдоц ховор мэргэжлийн МУИС-ийн төгсөгч ажил горилогчдыг санал болгосон тохиолдолд ажиллуулах эсэхийг өөрийн бүрэн эрхийн хүрээнд шийдвэрлэх, талуудын хүний нөөцийг чадавхжуулахад харилцан туршлага солилцох практик сургалт, хэлэлцүүлэг, менторшип хөтөлбөр зохион байгуулах, цаашдын тасралтгүй хамтын ажиллагааны соёлыг бүрдүүлэх, хөгжүүлэхэд хамтрахаар болов.
ХАМТЫН АЖИЛЛАГААНЫ ХЭЛТЭС
