МУИС болон Япон Улсын Осака их сургуулийн хамтын ажиллагааны гэрээний хүрээнд 2023-2024 оны хичээлийн жилийн намрын улирлын оюутан солилцооны хөтөлбөр зарлаж байна.
Шаардлага:
- МУИС-ийн БС болон ХЗС-ийн бакалаврын 2-4 дүгээр түвшний оюутан байх;
- Голч оноо 3.0 буюу түүнээс дээш;
- Япон хэлний дунд ба дундаас дээш түвшний мэдлэгтэй байх
- Харилцааны соёлтой, нээлттэй, суралцах чин хүсэл эрмэлзэлтэй байх.
Бүрдүүлэх материал:
- CV/Resume (тодорхойлсон загвар байхгүй)
- Сургуулийн тодорхойлолт (англи хэл дээр)
- Албан ёсны дүнгийн хуулбар (англи хэл дээр)
- Тодорхойлох захиа -1 ш. Тодорхойлолт гаргагчийн албан ёсны хаяг, гарын үсэг, тамгатай байх (англи хэлээр)
- Судалгааны /сурах/ төлөвлөгөөний тодорхойлолт (япон хэлээр)
- Хэлний мэдлэгийг харуулсан сертификат Япон хэлний Japanese Language Proficiency Test (JLPT) N2/level 2
- Application for Certificate of Eligibility (татах)
- 3 хувь цээж зураг
- Паспортын хуулбар
Хамрагдах оюутны тоо: 2 оюутан
Материал өгөх хугацаа: 2023 оны 03 дугаар сарын 27-ны өдрийн 12.00 цаг.
Оюутны хөгжлийн төв нь оюутан солилцооны хөтөлбөрт нэр дэвшүүлэх бөгөөд шалгарсан оюутнуудын нэрсийг Осакагийн Эдийн засаг, хуулийн их сургуулийн Оюутан Солилцооны Хөтөлбөрт илгээнэ. Осакагийн Эдийн засаг, хуулийн их сургуулийн нь дахин сонгон шалгаруулалт хийхийг анхаарна уу. Тэнцсэн оюутан онлайн өргөдөл, бусад нэмэлт баримтыг дахин бүрдүүлэн онлайнаар илгээхийг анхаарна уу.
Бүрдүүлсэн материалыг Оюутны хөгжлийн төвд (МУИС-ийн хичээлийн II байрны ард байрлах Багш, оюутны хөгжлийн төвийн 306 тоот) өөрийн биеэр авчирч өгнө. Мөн хүсэлт гаргагч бүрдүүлсэн материалыг нэг багц PDF файл болгон studentaffairs@num.edu.mn хаягаар илгээнэ.
ОЮУТНЫ ХӨГЖЛИЙН ТӨВ
