Монгол Улсын Их сургуулийн санаачилгаар Төрийн өмчийн зургаан их сургуулийн дундын удирдах зөвлөлийн ажлын албатай хамтран “Төрийн өмчийн их сургуулиудын санхүүгийн уирдлагын тулгамдсан асуудал” сэдэвт хэлэлцүүлгийг тавдугаар сарын 18-ны өдөр зохион байгууллаа.
Хэлэлцүүлгээр төрийн өмчийн их сургуулиудын улсын бүртгэлийн статус, санхүүгийн удирдлагын болон НББ-ийн хяналт, зохицуулалт, өнөөгийн байдал, мөрдөх стандарт, цаашид хэрэгжүүлбэл зохих арга хэмжээ болон сургалтын төлбөрийн үлдэгдэлтэй төгсөгч нарын авлагыг барагдуулах талаар нээлттэй ярилцаж дараах санал, зөвлөмжүүдийг гаргав. Үүнд:
- Төрийн болон орон нутгийн өмчийн тухай хуулийн 13 дугаар зүйлийн 1.4-т Төрийн өмчийн их сургууль гэдэг заалт нэмэх саналыг холбогдох байгууллагуудад хүргүүлэх;
- Төрийн өмчийн их сургуулиудад мөрдөх Нягтлан бодох бүртгэлийн стандартыг тодорхой болгох судалгаа хийх ажлын хэсэг байгуулах;
- Төлбөрийн үлдэгдэлтэй төгсөгчдийн мэдээллийг E-Mongolia руу хүргүүлэх, Монголбанкны зээлийн мэдээллийн санд оруулах асуудлаар холбогдох байгууллагуудтай хамтарч ажиллах.
