“Рио Тинто Монгол” компанийн санхүүжилтээр, МУИС-иас хэрэгжүүлдэг “Багш, оюутны стартап-2023” хөтөлбөрийн хүрээнд “Techstars Startup weekend Ulaanbaatar, University edition” арга хэмжээг амжилттай зохион байгууллаа. Тус арга хэмжээг 2023 оны тавдугаар сарын 26-28-ны өдөр “START” байгууллагатай хамтран хэрэгжүүлсэн юм.
Энэхүү арга хэмжээний онцлог нь хөтөлбөрийн багууд 54 цагийн дотор гарааны бизнесийн санааг гаргаж, технологийн салбар бүрийн мэргэшсэн менторуудаас санаагаа бодит болгох талаар зөвлөгөө авсан юм.
Хөтөлбөрт хими, физик, биологи, хүрээлэн буй орчны инженерчлэл, санхүү менежмент, боловсрол судлал, хууль эрх зүй болон мэдээллийн технологийн салбарт технологи хөгжүүлэлт хийх, гарааны бизнесээ эхлүүлэх зорилготой багууд оролцлоо.
Сургалт зохион байгуулсан гурван хоногийн туршид багууд:
-Санаагаа танилцуулах,
-Багаа бүрдүүлэх,
-Бизнес санаагаа бүтээх,
-Судалгаа хийх,
-Бизнес моделио олох,
-Бизнесийн танилцуулга хийсэн бөгөөд гарааны бизнесийн талаар дэлгэрэнгүй сургалт авлаа.
Арга хэмжээний үеэр, “Geru”, “Octagon”, “Mybody” зэрэг гарааны компанийн үүсгэн байгуулагч, амжилттай бизнес эрхлэгчид болон салбар бүрийн чадварлаг менторууд хүрэлцэн ирж, багуудад зөвлөгөө өглөө.
