“Нам Ян Жү” Монгол боловсролыг дэмжих сан нь Монголын ирээдүйг бүтээлцэхүйц МУИС-д суралцаж буй идэвхтэй, сурлага сайтай, сургалтын төлбөрийн дэмжлэг шаардлагатай суралцагчдыг дэмжих, хөгжүүлэх зорилготой юм. Тус тэтгэлгийг гардуулах ёслол 2023 оны 06 дугаар сарын 15-ны өдрийн 10:00 цагт МУИС-ийн Багш, оюутны хөгжлийн төв байрны 502 тоот танхимд боллоо.
Тэтгэлэг гардуулах ёслолын ажиллагаанд Оюутны хөгжил эрхэлсэн захирал Г.Галбаяр, ОХБГ-ын дарга В.Дашдаваа, ОХТ-ийн эрхлэгч М.Эрдэнэчимэг, ШУС-ийн ХУС-ын Ази судлалын тэнхимийн ахлах багш Д.Оюунцэцэг, Л.Хандармаа, Нам Ян Жү Монгол боловсролыг дэмжих сангийн тэргүүн Kang Han Soo, Нам Ян Жү Монгол боловсролыг дэмжих сангийн гишүүн Yun Tae Geun, Нам Ян Жү Монгол боловсролыг дэмжих сангийн төлөөлөгч Back Jong Chun, Нам Ян Жү Монгол боловсролыг дэмжих сангийн Монгол дахь гүйцэтгэх захирал Lee Moon Kyu, Нам Ян Жү Монгол боловсролыг дэмжих сангийн менежер Ариунбат нар суралцагчдад баяр хүргэн тэтгэлгийн батламжийг гардууллаа.
2022-2023 оны хичээлийн жилийн энэ удаагийн тэтгэлэгт ШУС-ийн ХУС-ын Гадаад хэлний орчуулга (Солонгос) хөтөлбөрийн 3-р түвшний суралцагч М.Ононгоо, Багш, монгол хэл, уран зохиолын боловсрол хөтөлбөрийн 2-р түвшний суралцагч Д.Алтанцэцэг, БС-ийн Санхүү хөтөлбөрийн 3-р түвшний суралцагч Б.Аминаа, ОУХНУС-ийн Олон улсын харилцаа хөтөлбөрийн 2-р түвшний суралцагч С.Жавзанпагма, ХШУИС-ийн Програм хангамж хөтөлбөрийн 2-р түвшний суралцагч Ц.Заяа, ХЗС-ийн Эрх зүй хөтөлбөрийн 2-р түвшний суралцагч, О.Мичидмаа, ШУС-ийн НУС-ын Сэтгэл судлал хөтөлбөрийн 3-р түвшний суралцагч И.Анужин, 2-р түвшний суралцагч Э.Энхтамир, ШУС-ийн Байгалийн ухааны салбарын Хими хөтөлбөрийн 2-р түвшний суралцагч Г.Нархажид нар шалгарч тэтгэлгийн батламжийг гардан авлаа.
Тус тэтгэлгийг гардан авсан суралцагчдадаа цаашдын эрдэм судлалын ажилд нь өндөр амжилтыг хүсэн ерөөе.
ОЮУТНЫ ХӨГЖЛИЙН ТӨВ,
АЗИ СУДЛАЛЫН ТЭНХИМ
