“Багш, оюутны стартап-2023” хөтөлбөрийн хүрээнд менторын уулзалтыг зохион байгууллаа

Share Button

“Рио Тинто Монгол” компанийн санхүүгийн дэмжлэгээр МУИС-иас хэрэгжүүлж буй “Багш, оюутны стартап-2023” хөтөлбөрийн хэрэгжилтийн хүрээнд 2023 оны 06 дугаар сарын 21, 22, 26-ны өдөр “Стартап ментор уулзалт”-ыг тус хөтөлбөрт оролцогч багуудад зориулан гарааны бизнес амжилттай эрхэлж буй байгууллагын төлөөллүүдтэй хамтран зохион байгууллаа.

Энэ удаагийн уулзалтад МУИС, Бизнесийн сургуулийн Менежментийн тэнхмийн дэд проф. Д.Энх-Отгон, MSTARS HUB -ийн гүйцэтгэх захирал Ч.Даваажамц, Менежер Г.Бадамсэрээжид, “Сократус Стартап Студио” ХХК-ийн захирал А.Мөнхцог, Бизнесийн систем төлөвшүүлэлтийн газрын дарга С.Галхүү, “Стартап Маркетинг Спэйс” ХХК-ийн захирал М.Мөнхбаяр, ОӨГ-ийн Шинэ бүтээлийн ахлах шинжээч Б.Одгэрэл зэрэг менторууд оролцож, хөтөлбөрт оролцож буй 14 багийн төлөөллүүдэд бизнес санаагаа бодит болгох зөвлөгөө өглөө.

Энэ удаагийн хөтөлбөрт хими, физик, биологи, хүрээлэн буй орчны инженерчлэл, санхүү менежмент, боловсрол судлал, хууль эрх зүй болон мэдээллийн технологи зэрэг салбаруудад технологи хөгжүүлэлт хийх боловсруулах зорилготой багууд оролцож байна.

СУДАЛГАА, ИННОВАЦЫН БОДЛОГЫН ГАЗАР

Сул хараатай иргэдэд
зориулсан хувилбар
Энгийн хувилбар