МУИС-ийн “Залуу судлаачдын салбар дундын судалгаа”-ны хүрээнд “Гэсэрийн туужийн судалгаа” төсөл хэрэгжиж, түүний үр дүнд БНСУ-ын Дангүгийн их сургуультай хамтарсан олон улсын хурал зохион байгуулж, гадаадын эрдэм шинжилгээний сэтгүүлийн хоёр өгүүлэл, дотоодын эрдэм шинжилгээний сэтгүүлийн гурван өгүүлэл хэвлүүлжээ. Үүнээс гадна,
I. Гэсэрийн туужийн хэл, уран зохиолын судалгаа
(ганц сэдэвт зохиол, хэвлэмэл ном)
II. Бээжин барын Гэсэрийн туужийн галиг, индекс
III. Лүн Фү Сэ-ийн Гэсэрийн туужийн галиг, индекс
(эрдэм шинжилгээний эх хэрэглэгдэхүүн, онлайн ном)
гэсэн гурван боть ном хэвлүүлж, 2023 оны наймдугаар сарын 08-ны өдөр нээлтээ хийлээ. 
“Гэсэрийн туужийн хэл, уран зохиолын судалгаа” ганц сэдэвт бүтээлийг Монгол хэл, хэл шинжлэлийн тэнхимийн дэд профессор Сангидоржийн Батхишиг, Утга зохиол, урлаг судлалын тэнхимийн дэд профессор Сүхбаатарын Дашдэжид нар хамтран бичжээ.
“Бээжин барын Гэсэрийн туужийн галиг, индекс”, “Лүн Фү Сэ-ийн Гэсэрийн туужийн галиг, индекс”-ийг Сангидоржийн Батхишиг хийж, Магсаржавын Баярсайхан редакторлажээ.
