Европын холбооны “Ази дахь эрүүл мэндийн цахим хяналт, хамгааллын системийг бэхжүүлэх нь 2021-2025” төслийн хүрэнд МУИС болон АШУҮИС дээр 2023 оны 08 дугаар сарын 14-19-ны хооронд Бельги, Англи, Франц, Тайланд, Пакистан, Монгол орны эрдэмтэн судлаачид олон улсын сургалт семинарыг зохион байгуулж байна.
Сургалтын хүрээнд өгөгдлийн ухаан магистрын хөтөлбөрийн хэрэгжилтийн бэлэн байдал, хөтөлбөрийн чанарын баталгаажуулалт, хиймэл оюунд суурилсан туршилтын бүтээгдэхүүн боловсруулах, хөгжүүлэх арга аргалчлалд ашиглагдах тоног төхөөрөмжийг нийтэд таниулах, түгээн дэлгэрүүлэх мэргэжилтнүүдийг бэлтгэх талаар хэлэлцлээ.
Эрасмус+ (Erasmus+) төслийн санхүүжилтээр анагаах ухаан болон инженер технологийн салбарын эрдэмтэн, мэргэжилтнүүд, судлаач эмч нар нийгэмд тулгамдаж буй томоохон асуудлын шийдлүүдийг боловсруулан хэрэгжүүлэн, хамтран ажиллаж байна.
