СОНГОН ШАЛГАРУУЛАЛТЫН ЗАР
2023 оны 09 дүгээр сарын 05-ны өдөр
МУИС-ийн бүрэлдэхүүн (Улс төр, олон улсын харилцаа, нийтийн удирдлагын сургууль; Инженер технологийн сургууль; Мэдээллийн технологи, электроникийн сургууль, Бизнесийн сургууль) сургуулийн захирлын албан тушаалд томилогдох иргэнийг сонгон шалгаруулах зарыг олон нийтэд мэдээлж байна.
Сонгон шалгаруулалтыг МУИС-ийн Дүрмийн 5.5.3.1 болон МУИС-ийн бүрэлдэхүүн сургуулийн захирлын албан тушаалд нэр дэвшигчийг судлан шалгаруулах ажлын хэсгийн удирдамжийн дагуу зохион байгуулна.
Нэг. Сонгон шалгаруулалтад оролцох иргэнд тавигдах шаардлага
- Монгол Улсын иргэн байх
- Тухайн албан тушаалын тодорхойлолтод заасан шаардлагыг хангасан байх
Хоёр. Сонгон шалгаруулалтад бүртгүүлэхэд бүрдүүлэх баримт бичиг
- Төрийн албан хаагчийн анкет
- Шалгаруулалтад бүртгүүлэхээр бичгээр гаргасан хүсэлт, бүрдүүлсэн материалын жагсаалт
- Иргэний үнэмлэхийн хуулбар
- Эзэмшсэн боловсролын баримт бичгийн хуулбар /боловсролын диплом, эрдмийн зэрэг, мэргэшлийн үнэмлэх/
- Тухайн сургуулийн захирлын “Албан тушаалын тодорхойлолт”-д тавигдах тусгай шаардлагыг хангасан тухай нотлох баримт /нийгмийн даатгалын дэвтэр, хөдөлмөрийн дэвтэр, албан тушаалд томилогдсон, чөлөөлөгдсөн тушаал шийдвэр/-ын хуулбар, лавлагаа
- Тухайн сургуулийг хөгжүүлэх хөтөлбөрийн төсөл / сургалт, эрдэм шинжилгээ, хүний нөөцийн болон санхүүгийн бодлого төлөвлөлт, хэрэгжүүлэх арга зам, хүрэх үр дүн зэрэг асуудлыг тусгасан байх/
Гурав. Сонгон шалгаруулалтад оролцох хүсэлтийг хүлээн авах ба бүртгэх
Сонгон шалгаруулалтад оролцохыг хүссэн иргэдийн материалыг 2023 оны 09 дүгээр сарын 13-ны 17:00 цаг хүртэл Улаанбаатар хот, Сүхбаатар дүүрэг, 6 дугаар хороо, Их сургуулийн гудамж, МУИС-ийн хичээлийн I дүгээр байр, 2 давхарт 205 тоот өрөө (МУИС-ийн Захирлын ажлын албаны бичиг хэргийн эрхлэгч)-нд хүлээн авна.
Бичиг хэргийн эрхлэгч материалыг хүлээн авсныг баталгаажуулж гарын үсэг зуруулна.
МУИС-ИЙН ЗАХИРГАА
